👉সমাগত অসম বিধান সভা নিৰ্বাচনত কোচ ৰাজবংশী ৰাইজক বিবেক ভোট দিবলৈ আহ্বান আক্ৰাছুৰ আনটো গোটৰ

👉সমাগত অসম বিধান সভা নিৰ্বাচনত কোচ ৰাজবংশী ৰাইজক বিবেক ভোট দিবলৈ আহ্বান আক্ৰাছুৰ আনটো গোটৰ 

বঙাইগাঁওঃ ২৪ মাৰ্চঃ 

📝সমাগত অসম বিধান সভা নিৰ্বাচনত কোচ ৰাজবংশী ৰাইজক বিবেক ভোট দিবলৈ আহ্বান জনাইছে সদৌ কোচ ৰাজবংশী ছাত্ৰ সন্থাৰ আনটো গোটে ৷ এক প্ৰেছ বিবৃতিত সংগঠনটোৰ ভাৰপ্ৰাপ্ত সভাপতি পুৰেণ ৰায় আৰু যুটীয়া সাধাৰণ সম্পাদক দিব্যজ্যোতি কুমাৰ ডেকা আৰু সুনাধৰ ৰায়ে উল্লেখ কৰা মতে সদৌ কোচ ৰাজবংশী ছাত্ৰ সন্থাৰ কেন্দ্ৰীয় সমিতিৰ এখন কাৰ্যনিৰ্বাহক সভা মঙলবাৰে অনুষ্ঠিত হৈ যায় ৷ সংগঠনটোৰ ভাৰপ্ৰাপ্ত সভাপতি পুৰেণ ৰায়ৰ সভাপতিত্বত অনুষ্ঠিত কাৰ্যনিৰ্বাহক সভাত কেইবাটাও গুৰুত্বপূৰ্ণ প্ৰস্তাৱ গ্ৰহণ কৰা হয় ৷ সেই অনুসৰি সমাগত অসম বিধান সভা নিৰ্বাচনত কোচ ৰাজবংশী ৰাইজক বিবেক ভোট দিবলৈ আহ্বান জনাবলৈ সৰ্বসন্মত সিদ্ধান্ত গ্ৰহণ কৰে ৷তাৰোপৰি অসমৰ ৰাজনৈতিক দলসমূহে নিৰ্বাচনৰ সময়তো কোচ ৰাজবংশী সকলৰ জ্বলন্ত সমস্যা জনজাতিকৰণৰ ক্ষেত্ৰত নীৰৱ ভূমিকা অৱলম্বন কৰাত তীব্ৰ ক্ষোভ প্ৰকাশ কৰে আৰু প্ৰতিটো দলক তেওঁলোকৰ স্থিতি স্পষ্ট কৰিবলৈ পুনৰ দাবী জনায় ৷ আনহাতে যিবোৰ সমষ্টিত কোচ ৰাজবংশী জনগোষ্ঠীৰ প্ৰাৰ্থী আছে তাৰে ভিতৰত জয়ী হোৱাৰ সম্ভাৱনা থকা প্ৰাৰ্থীক জয়ী কৰাৰ ক্ষেত্ৰত সহযোগিতা আগবঢ়াবলৈ ৰাইজক আহ্বান জনাই প্ৰস্তাৱ গ্ৰহণ কৰে ৷ 🔯