👉বঙাইগাঁৱত বিভিন্ন চুৰি - ডকাইতিৰ সৈতে জড়িত ৯ জনক গ্ৰেপ্তাৰ

👉বঙাইগাঁৱত বিভিন্ন চুৰি - ডকাইতিৰ সৈতে জড়িত  ৯ জনক গ্ৰেপ্তাৰ 

👉ন্যায়িক জিম্মালৈ প্ৰেৰণ 

বঙাইগাঁওঃ ১২ মাৰ্চঃ 

📝বঙাইগাঁও চহৰত দিনে দিনে চোৰৰ সন্ত্ৰাস বৃদ্ধি পাই অহাৰ সময়তে বঙাইগাঁও আৰক্ষীয়ে ৯ টাকৈ চোৰক কৰায়ত্ত কৰিবলৈ সক্ষম হৈছে ৷ চহৰখনৰ বিভিন্ন স্থানত দীৰ্ঘদিনে মোবাইল চুৰি, মহিলাৰ ডিঙিৰ পৰা সোণৰ চেইন চুৰি , মটৰ চাইকেল চুৰি ,মানুহৰ ঘৰত লুট-পাট আদিকে ধৰি বিভিন্ন চুৰি আৰু ডকাইতি কাৰ্যৰ সৈতে জড়িত চোৰকেইটাক বঙাইগাঁও আৰক্ষীয়ে বিগত তিনি দিনত চহৰখনৰ বিভিন্ন স্থানৰ পৰা কৰায়ত্ত কৰে ৷ আৰক্ষীয়ে প্ৰথমে নিউ বঙাইগাঁও ভাওলাগুৰিৰ আজিদুল ইছলাম ওৰফে লাডেন(২১) আৰু  পাগলাস্থানৰ  আৰ পি এফ কলনিৰ ৰাজু খান( ১৯) ক অভিযান চলাই গ্ৰেপ্তাৰ কৰাৰ পিচতে এই দুই চোৰৰ স্বীকাৰোক্তিৰ ভিত্তিত আন সাতটাক আটক কৰে ৷ আটকাধীন এই সাতজন হ'ল কোচ বিহাৰৰ সঞ্জু গোৱালা (২২) আৰু বিকাশ সিং( ১৮ ), নিউ বঙাইগাঁও চাইনা মাৰ্কেটৰ  ৰোশন সিং( ২৩) , গেংকোৱাটাৰ এলেকাৰ কাৰ্তিক সাহা ( ৩০) , ঢালিগাঁৱৰ বুদ্ধদেৱ বড়ো(১৮ ) , পাটাচাৰকুছিৰ নচিবুল হ'ক( ১৮) আৰু ভাওলাগুৰিৰ আমিৰ হামজা(২১) ৷ 

আৰক্ষীয়ে চোৰৰ দলটোৰ পৰা এখন মটৰ চাইকেল , পাঁচটা মোবাইল , এটা হাত ঘড়ী , মটৰ চাইকেলৰ লক খুলিবলৈ ব্যৱহাৰ কৰা সঁজুলি , বান্দৰ কেঁকোৱা আৰু কেইবা হাজৰ নগদ ধন জব্দ কৰে ৷ উল্লেখ্য যে দুটা চোৰক এগৰাকী বৃদ্ধাই চিনাক্ত কৰে ৷ কিছুদিন পূৰ্বে বৃদ্ধাগৰাকীৰ পৰা এডাল সোণৰ চেইন কাঢ়ি লৈ গৈছিল ৷ মটৰ চাইকেলত তিনিজন যুৱক আহিছিল যদিও দুজনক চিনাক্ত কৰে বৃদ্ধাগৰাকীয়ে ৷ ইপিনে বঙাইগাঁও আৰক্ষীয়ে আটাইকেইজনকে গ্ৰেপ্তাৰ কৰি আজি বঙাইগাঁও আদালতত হাজিৰ কৰোৱাত আদালতে ৯ জনকে ন্যায়িক জিম্মালৈ প্ৰেৰণ কৰে ৷🔯