বঙাইগাঁৱত ১২ লাখ ৮৬ হাজাৰ ২ শ টকা জব্দ

👉বঙাইগাঁৱত ১২ লাখ ৮৬ হাজাৰ ২ শ টকা জব্দ 

বঙাইগাঁওঃ ১২ মাৰ্চঃ

📝বিধান সভা নিৰ্বাচনৰ  আচৰণবিধি প্ৰযোজ্য হোৱাৰ পিচৰে পৰা বঙাইগাঁৱত সক্ৰিয় হৈ উঠিছে আৰক্ষী আৰু ফ্লায়িং স্কোৱাৰ্ডৰ দল ৷ ঠায়ে ঠায়ে আৰক্ষীয়ে চলাইছে  সন্দেহজনক বাহনত তালাচী ৷ ইয়াৰ মাজতে আজি বঙাইগাঁও চহৰৰ নিউ বঙাইগাঁও টুনীয়াপাৰত আৰক্ষীয়ে এখন চাৰি চকীয়া বাহনত চলোৱা তালচীৰ সময়ত বৃহৎ পৰিমাণৰ নগদ ধন জব্দ কৰে ৷ আৰক্ষীয়ে বাহনখনত তালাচী চলাই মুঠ ১২ লাখ ৮৬ হাজাৰ ২ শ নগদ টকা জব্দ কৰে ৷ 

জানিব পৰা মতে বিভাস বৰুৱা নামৰ এজন ব্যক্তিয়ে নিৰ্বাচনী আচৰণবিধি উলংঘা কৰি নতুন পাৰাৰ ঘৰৰ পৰা এ এচ ১৯ ই ৩১৮৪ নম্বৰৰ বাহনখনত এই বৃহৎ পৰিমাণৰ ধনৰাশি কঢ়িয়াই নিউ বঙাইগাঁও ৰে'লৱে মাৰ্কেটলৈ গৈ আছিল৷ ধনখিনি এটা প্লাষ্টিকৰ পেকেটত ভৰাই বাহনখনৰ পিচফালৰ ডিকিত আনিছিল ৷ ইপিনে বিভাস বৰুৱাই জনিব দিয়া মতে টকাখিনি মাটি কিনাৰ বাবে সৰবৰাহ কৰিছিল ৷ আৰক্ষীয়ে বিভাস বৰুৱাক সোধ -পোছ কৰি যাবলৈ দিয়ে যদিও  জব্দকৃত ধনখিনি পিচত কোষাগাৰত জমা ৰাখে ৷🔯