👉বঙাইগাঁও জিলা উপায়ুক্ত কাৰ্যালয়ৰ এশ মিটাৰ ব্যাসাৰ্ধৰ এলেকাত ১৪৪ ধাৰা জাৰি

👉বঙাইগাঁও জিলা উপায়ুক্ত কাৰ্যালয়ৰ এশ মিটাৰ ব্যাসাৰ্ধৰ এলেকাত ১৪৪ ধাৰা জাৰি

বঙাইগাঁওঃ ১২ মাৰ্চঃ 

📝বঙাইগাঁও সদৰ এলেকাত বিভিন্ন দল- সংস্থাৰ দ্বাৰা প্ৰায়ে আয়োজিত জনসভা সমূহৰ দ্বাৰা জনসাধাৰণৰ শান্তি শৃংখলা বিঘ্নিত হোৱাৰ প্ৰতি আশংকা কৰি বঙাইগাঁও জিলাৰ অতিৰিক্ত জিলা দণ্ডাধীশ ডাঃ চৈয়দ তহিদুৰ ৰহমানে এক নিৰ্দেশনা জাৰি কৰিছে ৷ নিৰ্দেশনা অনুসৰি ভাৰতীয় দণ্ডবিধি আইনৰ ১৪৪ ধাৰাৰ  অধীনত বঙাইগাঁও জিলা উপায়ুক্ত কাৰ্যালয়ৰ চৌহদৰ ১০০ মিটাৰ ব্যাসৰ্দ্ধৰ ভিতৰত কিছুমান নিষেধাজ্ঞা জাৰি কৰা হৈছে। উক্ত স্থানত ৫ জন বা ততোধিক ব্যক্তি লগ হৈ সভা-সমিতি , ধৰ্ণা, শোভাযাত্রা ,সমদল আদি উলিয়াব নোৱাৰিব। যিকোনো লোকে দা, লাঠি ,এচিডকে ধৰি চোকা অস্ত্র তথা মাৰণাস্ত্র আদি লগত লৈ ফুৰিব নোৱাৰিব৷ লাউড স্পীকাৰ বজাব নোৱাৰিব আৰু সামৰিক পোচাক পৰিধান কৰি ঘূৰা -ফুৰা কৰিব নোৱাৰিব ৷সেইদৰে যধে মধে মাইক আদি  ব্যৱহাৰ কৰাৰ ওপৰতো নিষেধাজ্ঞা জাৰি কৰা হৈছে ।অৱশ্যে কৰ্ত্তব্যৰত আৰক্ষী বাহিনী, অৰ্দ্ধ -সামৰিক বাহিনী আদিৰ ক্ষেত্রত এই আদেশ প্ৰযোজ্য নহ'ব ।যদি কোনো ব্যক্তিয়ে এই নিৰ্দেশনাৰ শিথিলতা বিচাৰে তেনেহলে বঙাইগাঁও জিলাৰ অতিৰিক্ত দণ্ডাধীশৰ ওচৰত আবেদন কৰিব লাগিব ।এই নিদেধাজ্ঞা ১১ মাৰ্চৰ পৰা বলবৎ কৰা হৈছে আৰু পৰৱৰ্তী আদেশ নিদিয়ালৈকে ওপৰোক্ত এলেকাত বাহাল থাকিব ।🔯