👉বঙাইগাঁৱৰ বিদ্যাপুৰত নতুন ভোটাৰৰ মাজত সজাগতা সভা

👉বঙাইগাঁৱৰ বিদ্যাপুৰত নতুন ভোটাৰৰ মাজত সজাগতা সভা 

বঙাইগাঁও ১২ মাৰ্চঃ

📝সমাগত ৩২নং বঙাইগাঁও বিধান সভা সমষ্টিৰ নিৰ্বাচনক কেন্দ্ৰ কৰি আজি বিদ্যাপুৰ এইচ এচ স্কুলত বঙাইগাঁও নিৰ্বাচন বিভাগৰ SVEEP চেলৰ অধীনত এখন ভোটাৰ সজাগতামূলক সভা অনুষ্ঠিত হয় । সজাগতা সভাৰ লগত সংগতি ৰাখি বিভিন্ন প্ৰতিযোগিতাও অনুষ্ঠিত হয় ৷ সভাত ডাংতল ৰাজহ চক্ৰৰ চক্ৰ বিষয়া সোণাশ্ৰী বহ্মই সভাপতিত্ব কৰি কয় যে বিশেষকৈ প্ৰথম বাৰৰ ভোটাৰ সকলক সজাগ কৰি তোলাৰ বাবে বক্তৃতা প্ৰতিযোগিতা ,মুকলি কুইজ প্ৰতিযোগিতা ইত্যাদি বিভিন্ন কাৰ্য্যসূচীৰ আয়োজন কৰা হৈছে । সভাত নতুন তথা যুৱ ভোটাৰ সকলে সক্ৰিয়ভাবে অংশ গ্ৰহণ কৰে । কাৰ্যসূচীত বিদ্যাপুৰ অঞ্চলৰ নতুন তথা যুৱ ভোটাৰ সকলৰ উপৰিও বিদ্যাপুৰৰ শিক্ষক আৰু শিক্ষয়ত্রী সকল উপস্থিত থাকে । সভাত বঙাইগাঁও ৰাজহ চক্ৰ বিষয়া দ্বীপন বৰ্মন উপস্থিত থাকি ৬ এপ্ৰিলত অনুষ্ঠিত হ'বলগীয়া ভোটদানৰ সময়ত সকলো ভোটাৰকে আগবাঢ়ি আহি ভোট প্ৰদান কৰাৰ বাবে সকলোকে উৎসাহিত কৰে । উল্লেখ্য যে বক্তৃতা প্ৰতিযোগিতাত অনুপ বৰ্মন, অমন আহমেদ আৰু মফিদুল ইছলাম বিজয়ী হয় ৷🔯