👉বঙাইগাঁও জিলা উপায়ুক্ত কাৰ্যালয় প্ৰাংগণত আদৰ্শ ভোটগ্ৰহণ কেন্দ্ৰ আৰু ফটো প্ৰদৰ্শনী মুকলি

👉বঙাইগাঁও জিলা উপায়ুক্ত কাৰ্যালয় প্ৰাংগণত আদৰ্শ ভোটগ্ৰহণ কেন্দ্ৰ আৰু ফটো প্ৰদৰ্শনী মুকলি

বঙাইগাঁও ৯ মাৰ্চঃ 

📝৩২নং বঙাইগাঁও বিধান সভা সমষ্টিত অনুষ্ঠিত হ'বলগীয়া বিধান সভা নিৰ্বাচনক কেন্দ্ৰ কৰি আজি বঙাইগাঁও জিলা উপায়ুক্ত কাৰ্যালয়ৰ প্ৰাংগণত এটা আদৰ্শ ভোটগ্ৰহণ কেন্দ্ৰ তথা প্ৰশিক্ষণ পৰিচালনা কক্ষ মুকলি কৰা হয় । কেন্দ্ৰটো মুকলি কৰে বঙাইগাঁও জিলা নিৰ্বাচনী বিষয়া তথা জিলা উপায়ুক্ত ডাঃ এম. এছ. লক্ষ্মীপ্ৰিয়াই । কেন্দ্ৰটোৰ ফিটা কাটি দ্বাৰ মুকলি কৰাত সহায়তা আগবঢ়ায় জীবিক সখী সকলে ।  আনহাতে উক্ত কেন্দ্ৰটোৰ লগতে এচভিইইপি (পদ্ধতিগত ভোটাৰসকলৰ শিক্ষা আৰু নির্বাচনী অংশগ্রহণ) কোষৰ অধীনত ইতিমধ্যে নিৰ্বাচন সম্পৰ্কীয় জিলাখনত কৰি অহা কাম-কাজৰ ওপৰত এখন ফটো প্ৰদৰ্শনীও বঙাইগাঁও জিলা নিৰ্বচনী বিষয়া তথা জিলা উপায়ুক্তগৰাকীয়ে মুকলি কৰে । 

এই দুয়োটা কাৰ্যসূচীতে জিলা উন্নয়ন আয়ুক্ত জে চিষ্টি, বঙাইগাঁও জিলা পৰিষদৰ কাৰ্যবাহী বিষয়া নাদিৰা জেছমিন, অতিৰিক্ত উপায়ুক্ত ডাঃতাহিদুৰ ৰহমান, নিৰ্বাচনী বিষয়া বেণু মুছাহাৰী, বঙাইগাঁও ৰাজহ চক্ৰ বিষয়া  দ্বীপন বৰ্মন , সহকাৰী আয়ুক্ত সকল , বিভিন্ন চৰকাৰী বিষয়া -কৰ্মচাৰী সকলৰ উপৰিও জীৱিকা সখী সকল উপস্থিত থাকে ।🔯