👉বঙাইগাঁৱত প্ৰিজাইডিং আৰু প্ৰথম প'লিং বিষয়াৰ প্ৰথম পৰ্যায়ৰ প্ৰশিক্ষণ

👉বঙাইগাঁৱত প্ৰিজাইডিং আৰু প্ৰথম প'লিং বিষয়াৰ প্ৰথম পৰ্যায়ৰ প্ৰশিক্ষণ

বঙাইগাঁও ৯ মাৰ্চঃ

📝অহা ৬ এপ্ৰিলত অনুষ্ঠিত হ'বলগীয়া ৰাজ্যৰ বিধান সভা নিৰ্বাচনৰ তৃতীয় পৰ্যায়ত অনুষ্ঠিত হ'বলগীয়া ৩২ নং বঙাইগাঁও বিধান সভা সমষ্টিৰ নিৰ্বাচনী প্ৰক্ৰিয়া তথা ভোটগ্ৰহণ প্ৰক্ৰিয়া  সঠিকভাবে অনুষ্ঠিত কৰাৰ বাবে বঙাইগাঁও জিলা প্ৰশাসনে পূৰ্ণ প্ৰস্তুতি অব্যাহত ৰাখিছে । সেই অনুসৰি আজি পুৱা ১০ বজাৰ পৰা দিনৰ ১ বজালৈ আৰু আবেলি ২ বজাৰ পৰা ৫  বজালৈ দুটা পৰ্যায়ত বঙাইগাঁও বীৰঝৰা কন্যা মহাবিদ্যালয়ৰ পাঁচটা কোঠালিত সমষ্টিটোৰ মুঠ মূল ২৪২টা ভোট গ্ৰহণ কেন্দ্ৰ আৰু ১৮ সহায়ক ( Auxiliary) ভোটগ্ৰহণ কেন্দ্ৰৰ বিপৰীতে নিয়োগ কৰিবলগীয়া সৰ্বমুঠ ৬৩৬ গৰাকী বিষয়াক মাষ্টৰ প্ৰশিক্ষকৰ জৰিয়তে নিৰ্বাচনৰ সময়ত প্ৰিজাইডিং আৰু প্ৰথম পৰ্যায়ৰ প'লিং বিষয়া সকলৰ দায়িত্ব আৰু ই.ভি.এম আৰু ভি.ভি.পেট মেচিনৰ ব্যৱহাৰিকৰ লগতে আন আন দিশৰ ওপৰত বিস্তাৰিতভাৱে প্ৰশিক্ষণ প্ৰদান কৰি নিজৰ নিজৰ দায়িত্ব সমূহ অৱগত কৰে । তদুপৰি ক'ভিড-১৯ ৰ নিয়মাৱলী অনুসৰি প্ৰশিক্ষণস্থলী চেনিটাইজেশ্যন কৰা হয় । ইয়াৰোপৰি ক'ভিড-১৯ ৰ প্ৰটক'ল মৰ্মে প্ৰৱেশ পথত প্ৰশিক্ষাৰ্থী সকলক থাৰ্মেল স্কেনিং কৰোৱাৰ পিছত সকলোকে মাস্ক আৰু চেনিটাইজাৰ প্ৰদান কৰা হয় । 

প্ৰশিক্ষণৰ প্ৰাৰম্ভণিতে প্ৰশিক্ষাৰ্থী সকলৰ যি সকলে ইতিমধ্যে ক'ভিড-১৯ ভেকচিন গ্ৰহণ কৰা নাই তেওঁলোকক উক্ত ভেকচিন লোৱাৰ বাবেও অনুৰোধ জনোৱা হয় । এই প্ৰশিক্ষণস্থলীৰ প্ৰতিটো কোঠালিত বঙাইগাঁও জিলা নিৰ্বাচনী বিষয়া তথা জিলা উপায়ুক্ত ডাঃএম.এছ.লক্ষ্মীপ্ৰিয়াই অংশ গ্ৰহণ কৰি আগন্তুক বিধানসভা নিৰ্বাচন সুকলমে অনুষ্ঠিত কৰাৰ ক্ষেত্ৰত প্ৰিজাইডিং আৰু প্ৰথম পৰ্যায়ৰ প'লিং বিষয়া সকলৰ দায়িত্ব আৰু কৰ্তব্যৰ বিষয়ে অৱগত কৰে । লগতে  জিলা নিৰ্বাচনী বিষয়া তথা উপায়ক্ত গৰাকীয়ে এই কথাও উল্লেখ কৰি কয় যে যিহেতু এইবাৰ ক'ভিড পৰিস্থিতিৰ মাজতে নিৰ্বাচন অনুষ্ঠিত হ'ব, সেয়েহে ক'ভিড নিয়মাৱলী সমূহ কঠোৰভাবে মানি চলাৰ ওপৰতো গুৰুত্ব দিবলৈ সকলোকে আহ্বান জনোৱাৰ লগতে সকলোকে নিজ নিজ কৰ্তব্য অতি নিষ্ঠা আৰু দায়িত্ব সহকাৰে পালন কৰিবলৈও অনুৰোধ জনায় । এই প্ৰশিক্ষণ কাৰ্যসূচীত জিলাৰ অতিৰিক্ত উপায়ুক্ত পংকজ চামুৱা , জিলা তথ্য বিষয়া বিজয় মজুমদাৰ , সহকাৰী আয়ুক্ত মুন্মী শইকীয়া, ডাংতল ৰাজহ চক্ৰ ৰ চক্ৰ বিষয়া ডাঃ সোনাশ্ৰী ব্ৰহ্ম ,  ভাৰপ্ৰাপ্ত জিলা তথ্য  আৰু জনসংযোগ বিষয়া কবিতা ডেকা আৰু উপায়ুক্ত কাৰ্যালয়ৰ কৰ্মচাৰী সকল উপস্থিত থাকে৷🔯