👉বঙাইগাঁৱত নিখিল ভাৰত গণতান্ত্ৰিক মহিলা সমিতিৰ উদ্যোগত আন্তৰ্জাতিক নাৰী দিৱস উদযাপন

👉বঙাইগাঁৱত নিখিল ভাৰত গণতান্ত্ৰিক মহিলা সমিতিৰ উদ্যোগত আন্তৰ্জাতিক নাৰী দিৱস উদযাপন

বঙাইগাঁওঃ৮ মাৰ্চঃ 

📝নিখিল ভাৰত গণতান্ত্ৰিক মহিলা সমিতিৰ বঙাইগাঁও আঞ্চলিক সমিতিৰ উদ্যোগত আজি ৰাস মন্দিৰ প্ৰাংগণত  ক'ভিড পৰিস্থিতিৰ বাবে অনুষ্টুপীয়াকৈ আন্তৰ্জাতিক নাৰী দিৱস পালন কৰা হয় । এই উপলক্ষে ৰেণুকা ৰায়ৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে সম্পাদিকা দোলা দেৱে । সভাত নাৰী দিৱসৰ তাৎপৰ্য ব্যাখ্যা কৰি বাণী বৰুৱা , উৰ্মি সেনগুপ্তা , সংগীতা চক্ৰৱৰ্তী আদিয়ে বক্তব্য ৰাখে । বক্তব্যত ১৯১৭ চনৰ ৮ মাৰ্চত জাৰৰ বিৰুদ্ধে ৰাছিয়াৰ মহিলাসকলে যি গণ আন্দোলনৰ আৰম্ভণি কৰিছিল আৰু ঐতিহাসিক ৰুছ বিপ্লৱৰ বীজ অংকুৰিত হৈছিল , বৰ্তমানৰ বিশ্বায়নৰ প্ৰেক্ষাপটত মহিলা সকলৰ সেই আন্দোলনৰ তাৎপৰ্য আৰু প্ৰাসংগিকতা বক্তা সকলে বহলাই ব্যাখ্যা কৰে । লগতে নাৰীসকলৰ সমানাধিকাৰ আৰু স্বাধীনতা বৰ্তমান সময়ত উপেক্ষিত হৈ থকাৰ বাবেও বক্তা সকলে ক্ষোভ প্ৰকাশ কৰে ৷  অনুষ্ঠানত কেইবাগৰাকীও শিশু শিল্পী আৰু প্ৰতিষ্ঠিত শিল্পীয়ে গীত পৰিৱেশন কৰাৰ লগতে কবিতা আবৃত্তি কৰে ।🔯