👉বঙাইগাঁও জিলা উপায়ুক্ত কাৰ্যালয়ত আন্তঃৰাষ্ট্ৰীয় নাৰী দিৱস উদযাপন

👉বঙাইগাঁও জিলা উপায়ুক্ত কাৰ্যালয়ত আন্তঃৰাষ্ট্ৰীয় নাৰী দিৱস উদযাপন

বঙাইগাঁওঃ ৮ মাৰ্চঃ 

📝সমগ্ৰ দেশৰ লগতে আজি বঙাইগাঁও জিলা উপায়ুক্ত কাৰ্যালয়তো কাৰ্যালয়টোৰ সমূহ মহিলা বিষয়া আৰু মহিলা কৰ্মচাৰী সকলৰ উপস্থিতিত নাৰী দিৱস পালন কৰা হয় । দিৱসৰ লগত সংগতি ৰাখি জিলা উপায়ুক্ত কাৰ্যালয়ৰ সভা কক্ষত অনুষ্ঠিত সভাত জিলা উপায়ুক্ত ডাঃএম.এছ লক্ষ্মীপ্ৰিয়াই সভাপতিত্ব কৰি ভাষণ প্ৰসংগত কয় যে সমাজত যদিও নাৰীক দেৱী আদি শব্দৰে বিভূষিত কৰি পূজা কৰা হয় দৈনন্দিত জীৱনত কিন্তু আজিও নাৰীয়ে ঘৰুৱা পৰিৱেশতেই হওক বা অন্যান্য ক্ষেত্ৰতে হওক বৈষম্যৰ বলি হ'ব লগীয়া হয়। এই ক্ষেত্ৰত বহু সময়ত নাৰীয়ে যে নাৰীৰ শত্ৰু  হয় তাৰ উদাহৰণ দি কয় যে স্বাধীনোত্তৰ কালত সতীদাহ প্ৰথা উঠিয়াই দিয়াৰ সময়ত বহু নাৰীয়ে প্ৰতিবাদ কৰিছিল। নাৰী শক্তিক শক্তিশালী হিচাপে গঢ়ি তুলিবলৈ হ'লে সকলোৱে ঐক্যবদ্ধভাবে আগবাঢ়ি যাব লাগিব বুলি কয় । 

উপায়ুক্তাগৰাকীয়ে উপস্থিত সকলো মহিলা বিষয়া কৰ্মচাৰীৰ সৈতে সৌহাৰ্যপূৰ্ণ মত বিনিময় কৰে আৰু মনৰ কথাৰ বুজ লয়। এই অনুষ্ঠানত বঙাইগাঁও জিলা পৰিষদৰ মুখ্য কাৰ্যবাহী বিষয়া নাদিৰা জেচমিন , জিলা প্ৰশাসনৰ সহকাৰী আয়ুক্ত সকল , নিৰ্বাচনী বিষয়া আৰু মহিলা কৰ্মচাৰী সকল উপস্থিত থাকে । ইপিনে বঙাইগাঁও চহৰৰ বৰপাৰা ৰাজহুৱা খেল পথাৰত বীৰঝৰা মহিলা সংঘ আৰু সামূহিক উন্নয়ন সমিতিৰ উদ্যেগতো বিভিন্ন কাৰ্যসূচীৰে আন্তৰ্জাতিক নাৰী দিৱস উদযাপন কৰা হয় ৷ সেইদৰে পুৰণি বঙাইগাঁৱৰ নৰনাৰায়ণ খেল পথাৰতো মহিলা সংগঠনে নাৰী দিৱস পালন কৰে ৷🔯