👉বঙাইগাঁৱত উত্তৰ পূৰ্ৱৰ একমাত্র পেৰা- চাইক্লিষ্ট আৰু নিৰ্বাচন আয়োগৰ ৰাজ্যিক আইকন ৰাকেশ বণিকৰ চাইকেল ৰেলী

👉বঙাইগাঁৱত উত্তৰ পূৰ্ৱৰ একমাত্র পেৰা- চাইক্লিষ্ট আৰু নিৰ্বাচন আয়োগৰ ৰাজ্যিক আইকন ৰাকেশ বণিকৰ চাইকেল ৰেলী  

বঙাইগাঁওঃ ৩১ মাৰ্চঃ 

📝ছয় এপ্ৰিলত অনুষ্ঠিত হ'বলগীয়া তৃতীয় পৰ্যায়ৰ নিৰ্বাচনৰ বাবে ৩২ নং বঙাইগাঁও বিধান সভা সমষ্টিত  ভোটাৰৰ মাজত সচেতনতা সৃষ্টিৰ লক্ষ্যেৰে আজি  বঙাইগাঁও জিলা নিৰ্বাচন বিভাগৰ দ্বাৰা নিৰ্বাচন আয়োগ তথা ৰাজ্যিক পদ্ধতিগত ভোটাৰ শিক্ষা আৰু অংশগ্ৰহণ (SVEEP) কোষৰ আইকন তথা উত্তৰ পূবৰ একমাত্র পেৰা- চাইক্লিষ্ট ৰাকেশ বণিকে বঙাইগাঁও জিলা সদৰত উপস্থিত হৈ উপায়ুক্ত কাৰ্যালয় প্ৰাংগণৰ পৰা চহৰখনৰ মাজেৰে এক চাইকেল ৰেলী উলিয়াই গান্ধী ময়দানত সামৰণি মাৰে ৷ মূলত 'আমি সজাগ ভোটাৰ ,যেতিয়া লক্ষ্য থাকে সঠিক , কোনো বাধাই আপোনাৰ বাট ভেটিব নোৱাৰে। আমি সজাগ ভোটাৰ ভোটদান আমাৰ অধিকাৰ । ভোটাধিকাৰ সচাঁ অৰ্থত এক মূল্যবান অধিকাৰ । আপোনাৰ ভোটাধিকাৰক লৈ গৰ্ব কৰক আৰু ভোট দিবলৈ সাজু হওঁক । বিবেক ভোট প্ৰদান কৰি গণতন্ত্ৰৰ ভেঁটি সুদৃঢ় কৰক' শীৰ্ষক শ্লোগানেৰে উলিওৱা এই চাইকেল ৰেলীৰ জৰিয়তে ভোচাৰ ৰাইজক ভোটদানৰ শুৰুত্ব সন্দৰ্ভত সজাগ কৰাৰ প্ৰয়াস কৰে ৷ 

বঙাইগাঁও  জিলা নিৰ্বাচনী বিষয়া তথা জিলা উপায়ুক্ত ডাঃএম. এছ. লক্ষ্মীপ্ৰিয়াই এই চাইকেল ৰেলীৰ ফ্লেগ অফ্ কৰে ৷ ৰেলীৰ ফ্লেগ অফ কৰি জিলা নিৰ্বাচনী বিষয়াগৰাকীয়ে কয় যে গণতন্ত্ৰৰ ভেঁটি সুদৃঢ় কৰাৰ লগতে ভোটাৰক ভোটদানৰ প্ৰতি গুৰুত্ব প্ৰদান কৰাৰ বাবে সজাগতা সৃষ্টি কৰাৰ প্ৰয়াসৰে চাইকেল ৰেলীৰ আয়োজন কৰা হৈছে । এই কাৰ্যসূচীত ৰাকেশ বণিকে নিজৰ ভাষণত বঙাইগাঁও সমষ্টিৰ ভোটাৰ সকলোক বিবেক ভোট প্ৰদান কৰিবলৈ আহবান জনায়। এই কাৰ্যসূচীত সহকাৰী আয়ুক্ত শিৱাংশ অৱস্থি , বঙাইগাঁও ৰাজহ চক্ৰ বিষয়া দীপন বৰ্মন , ভাৰপ্ৰাপ্ত জিলা তথ্য আৰু জনসংযোগ বিষয়া কবিতা ডেকা সহ নিৰ্বাচনী কোষৰ বিভিন্ন বিষয়া -কৰ্মচাৰী সকল উপস্থিত থাকে ।🔯