👉বঙাইগাঁৱত বিশেষ ব্যয় পৰ্যবেক্ষকৰ সৈতে তিনি সমষ্টিৰ নিৰ্বাচনী ব্যয় পৰ্যৱেক্ষকৰ পৰ্যালোচনা সভা

👉বঙাইগাঁৱত বিশেষ ব্যয় পৰ্যবেক্ষকৰ সৈতে তিনি সমষ্টিৰ নিৰ্বাচনী ব্যয় পৰ্যৱেক্ষকৰ পৰ্যালোচনা সভা 

বঙাইগাঁওঃ ৩১ মাৰ্চঃ

📝সমাগত তৃতীয় পৰ্যায়ৰ বিধান সভা নিৰ্বাচনৰ দিন চমু চাপি অহাৰ পৰিপ্ৰেক্ষিতত আজি ভাৰতীয় নিৰ্বাচন আয়োগে নিয়োগ কৰা বিশেষ ব্যয় পৰ্যবেক্ষক নীনা নিগম বঙাইগাঁৱত উপস্থিত হয় ৷ বঙাইগাঁৱত উপস্থিত হোৱাৰ পিচতে বিশেষ ব্যয় পৰ্যৱেক্ষকগৰাকীয়ে বঙাইগাঁও আৱৰ্ত ভৱনৰ সভাকক্ষত জিলা উপায়ুক্ত ডাঃ এম এছ লক্ষ্মী প্ৰিয়াৰ লগতে নিৰ্বাচন আয়োগে নিয়োজিত কৰা জিলাখনৰ অন্তৰ্গত ৩২ নং বঙাইগাঁও বিধান সভা সমষ্টিৰ ব্যয় পৰ্যবেক্ষক চটে পাণ্ডুৰাং আৰু ৩৪ নং উত্তৰ অভয়াপুৰী আৰু ৩৫ নং দক্ষিণ অভয়াপুৰী (অঃ.জাতি )বিধান সভা সমষ্টিৰ ব্যয় পৰ্যৱেক্ষক এম.এছ .পৃথিৱীৰ সৈতে এখন গুৰুত্বপূৰ্ণ সভাত মিলিত হৈ নিৰ্বাচনৰ ব্যয় নিৰীক্ষণ কোষৰ কাম- কাজৰ অগ্ৰগতি সন্দৰ্ভত পৰ্যালোচনা কৰে । এই সভাত ৩২ বঙাইগাঁও বিধান সভা সমষ্টি আৰু ৩৪ নং উত্তৰ অভয়াপুৰী আৰু ৩৫ নং দক্ষিণ অভয়াপুৰী বিধান সভা সমষ্টিৰ ব্যয় নিৰীক্ষণ কোষৰ ন'ডেল বিষয়াদ্বয় , ৩২ নং বঙাইগাঁও বিধান সভা সমষ্টিৰ দুগৰাকী সহকাৰী ব্যয় পৰ্যবেক্ষক আৰু উত্তৰ আৰু দক্ষিণ অভয়াপুৰী সমষ্টিৰ তিনি গৰাকী সহকাৰী ব্যয় পৰ্যৱেক্ষক, গাণনিক দলসহ অন্যান্য বিষয়াসকল উপস্থিত থাকে ।🔯