👉বঙাইগাঁৱত নৱজাতক শিশু উদ্ধাৰ

👉বঙাইগাঁৱত নৱজাতক শিশু উদ্ধাৰ 

বঙাইগাঁওঃ১৮ এপ্ৰিলঃ 🔯বঙাইগাঁও চহৰৰ মহাবীৰস্থানত আজি সন্ধিয়া এটি নৱজাতক কন্যা শিশু  উদ্ধাৰ হোৱ ঘটনাই তীব্ৰ চাঞ্চল্যৰ সৃষ্টি কৰিছে ৷ প্ৰাপ্ত বাতৰি অনুসৰি মহাবীৰ স্থান ৰে'ল পথৰ কাষৰ জংঘলত এই নৱজাতক শিশুটিক উদ্ধাৰ কৰা হয় ৷ ৰে'ল পথৰ কাষত পৰি থকা শিশুটিৰ ক্ৰন্দনৰ শব্দ শুনাত স্থানীয় ৰাইজে ওচৰত যায় ৷ ইয়াৰ পাছতেই পৰিত্যক্ত অৱস্থাত নৱজাতক শিশুটিক প্ৰত্যক্ষ কৰে ৷ এনে সময়ছোৱাত উক্ত পথেদি গৈ আছিল কৃষক মুক্তি সংগ্ৰাম সমিতিৰ সাধাৰণ সম্পাদক নন্দন দেৱনাথ ৷ অৱশেষত কৃষক মুক্তিৰ নেতা গৰাকীয়ে নৱজাতক শিশুটিক উদ্ধাৰ কৰি বঙাইগাঁও স্বাগত হাস্পতাল এণ্ড ৰিছাৰ্ছ চেন্টাৰত ভৰ্তি কৰে ৷ নিষ্পাপ দেৱতুল্য এই নৱজাতক শিশুটিক কোন পাষান পিতৃ - মাতৃয়ে এনে  অৱস্থাত পেলাই থৈ গ'ল ইয়াকে লৈ সৃষ্টি হৈছে ৰহস্যৰ ৷ লগতে কোনোবাৰ অবৈধ মাতৃত্বৰ পৰিণতি এই দেৱ শিশুটিয়ে ভুগিবলগীয়া হ'ল নেকি বুলিও সচেতন মহলে সন্দেহ প্ৰকাশ কৰিছে ৷🔯