👉বঙাইগাঁৱত দৈনিক বৃদ্ধি পাইছে ক'ৰোনাৰ সংক্ৰমণ

👉বঙাইগাঁৱত দৈনিক বৃদ্ধি পাইছে ক'ৰোনাৰ  সংক্ৰমণ 

👉আজি ১২ জন ব্যক্তিৰ দেহত ধৰা পৰিল ক'ভিড- ১৯ প'জিটিভ

👉আক্ৰান্ত সক্ৰিয় ৰোগীৰ সংখ্যা ৭৬ জনলৈ বৃদ্ধি 

বঙাইগাঁওঃ ১৭ এপ্ৰিলঃ

📝বঙাইগাঁও জিলাত ক'ৰোনাত আক্ৰান্ত ব্যক্তিৰ সংখ্যা দৈনিক বৃদ্ধি পাই আহিছে ৷ কেৱল আজিৰ দিনটোতে জিলাখনত ১২ জন ব্যক্তিৰ দেহত  ক'ভিড- ১৯ প'জিটিভ ধৰা পৰিছে ৷ জিলাখনত দৈনিক ক'ভিড- ১৯ পজিটিভ ৰোগীৰ সংখ্যা বৃদ্ধি পাই অহাৰ সময়তো কিন্তু  জনসাধাৰণৰ মাজত বিশেষ সচেতনতা পৰিলক্ষিত হোৱা নাই ৷ ইপিনে ৰঙালী বিহুৰ সাংস্কৃতিক অনুষ্ঠান উপভোগ কৰাসকলেও মাস্ক পৰিধান নকৰাৰ লগতে সামাজিক ব্যৱধান আদি মানি চলা পৰিলক্ষিত হোৱা নাই ৷ জিলাখনত ক'ৰোনাৰ সংক্ৰমণ দ্ৰুত হাৰত বৃদ্ধি পাই অহাৰ পিচতো কিন্তু জিলাখনৰ অধিকাংশ লোকেই মাস্ক পৰিধান নকৰাকৈয়ে বজাৰে - সমাৰে , বাটে- পথে ঘূৰা- ফিৰা কৰি থকা পৰিলক্ষিত হৈছে ৷ একেদৰে মানি চলা পৰিলক্ষিত হোৱা নাই সামাজিক দূৰত্ব ৷ চেনিটাইজাৰৰ ব্যৱহাৰো কমি গৈছে ৷ এনে অৱস্থাত পুনৰ দ্ৰুত গতিত বৃদ্ধি পাই থকা ক'ৰোনাৰ সংক্ৰমণে ভয়াৱহ ৰূপ ধাৰণ কৰাৰ শংকাত ভুগিছে  সচেতন মহলে ৷ আজি ১২ জন ব্যক্তিৰ দেহত ক'ভিভ- ১৯ প'জিটিভ ধৰা পৰাত বৰ্তমান জিলাখনত সক্ৰিয় ক'ভিড প'জিটিভ ৰোগীৰ সংখ্যা ৭৬ জনলৈ বৃদ্ধি পালে ৷🔯