👉ক'ৰোনা - বঙাইগাঁৱৰ দেউৰীপাৰা বিষুৱা আৰু ৰঙালী বিহু সন্মিলনীৰ সাংস্কৃতিক অনুষ্ঠান বাতিল

👉ক'ৰোনা - বঙাইগাঁৱৰ দেউৰীপাৰা বিষুৱা আৰু ৰঙালী বিহু সন্মিলনীৰ সাংস্কৃতিক অনুষ্ঠান বাতিল

বঙাইগাঁওঃ ২০ এপ্ৰিলঃ📝ৰাজ্য চৰকাৰে আজি ঘোষণা কৰা নতুন ক'ভিড বিধি তথা বৰ্তমানৰ ক'ৰোনা মহামাৰীৰ সংক্ৰমণৰ প্ৰতি লক্ষ্য ৰাখি বঙাইগাঁৱৰ দেউৰীপাৰা বিষুৱা আৰু ৰঙালী বিহু সন্মিলনীয়ে আজিৰ সাংস্কৃতিক অনুষ্ঠানৰ কাৰ্যসীচী বাতিল কৰে ৷ আজি কণ্ঠশিল্পী শংকুৰাজ কোঁৱৰ আৰু মৈত্ৰেয়ী পাটৰৰ সংগীতানুষ্ঠান আছিল ৷ উল্লেখ্য যে বঙাইগাঁও জিলাতো ক্ৰমাৎ ক'ভিডত আক্ৰান্তৰ সংখ্যা বৃদ্ধি পাই আহিছে ৷ কিন্তু ইয়াৰ মাজতে ৰাজ্য চৰকাৰে ঘোষণা কৰা নতুন ক'ভিড বিধিয়ে উদযাপন সমিতিক শলঠেকত পেলাইছে ৷ কাৰণ বিহুৰ সাংস্কৃতিক অনুষ্ঠানত বহু লোকৰ সমাগম হয় ৷ সেয়ে এনে অৱস্থাত ভয়াৱহ ক'ৰোনাৰ সংক্ৰমণ প্ৰতিৰোধৰ বাবে উদযাপন সমিতিয়ে শেষত সাংস্কৃতিক অনুষ্ঠানৰ কাৰ্যসূচী বাতিল কৰাৰ সিদ্ধান্ত গ্ৰহণ কৰে ৷ বঙাইগাঁৱৰ দেউৰীপাৰা বিষুৱা আৰু ৰঙালী বিহু সন্মিলনীয়ে তিনিদিনীয়া কাৰ্যসূচীৰে বিষুৱা আৰু ৰঙালী বিহু উদযাপন কৰিছিল ৷ ১৪ এপ্ৰিলত গৰু বিহু পালন কৰাৰ পিচত সোমবাৰে ( ১৯ এপ্ৰিল) বিভিন্ন কাৰ্যসূচী অনুষ্ঠিত কৰে ৷ কিন্তু নতুন ক'ভিড বিধিৰ পৰিপ্ৰেক্ষিতত আজি সাংস্কৃতিক অনুষ্ঠান বাতিল কৰে উদযাপন সমিতিয়ে ৷🔯