👉বঙাইগাঁৱত ২৪ ঘণ্টীয়া বিনামূলীয়া অক্সিজেন সেৱা

👉বঙাইগাঁৱত ২৪ ঘণ্টীয়া বিনামূলীয়া অক্সিজেন সেৱা

বঙাইগাঁওঃ ২৫ এপ্ৰিলঃ📝ক'ৰোনাৰ দ্বিতীয় ঢৌৰ ভয়াৱহতাৰ বাবে যিটো সময়ত দেশৰ বিভিন্ন ৰাজ্যত অক্সিজেনৰ অভাৱত ছটফটাই ৰোগীয়ে মৃত্যুবৰণ কৰিবলগীয়া হৈছে , তেনে সময়তে মাৰোৱাৰী যুৱ মঞ্চৰ বঙাইগাঁও শাখাই বিনামূলীয়াভাবে ২৪ ঘণ্টীয়া অক্সিজেন সেৱা মুকলি কৰি মহানুভৱতাৰ পৰিচয় দাঙি ধৰিবলৈ সক্ষম হৈছে ৷ অক্সিজেনৰ অভাৱত যাতে কোনো লোক মৃত্যুমুখত পৰিবলগীয়া নহয় এই উদ্দেশ্য আগত ৰাখিয়েই মাৰোৱাৰী যুৱ মঞ্চৰ বঙাইগাঁও শাখাই আৰম্ভ কৰিছে এই সেৱা ৷  মাৰোৱাৰী যুৱ মঞ্চৰ বঙাইগাঁও শাখাৰ সভাপতি সুৰজিত সিং ভাৰিয়ে জনোৱা মতে ক'ৰোনা মহামাৰীৰ প্ৰতি লক্ষ্য ৰাখি গ্ৰহণ কৰা হৈছে এই পদক্ষেপ ৷ তেওঁ জনোৱা মতে কেৱল বঙাইগাঁও শাখাই নহয় মাৰোৱাৰী যুৱ মঞ্চৰ বিভিন্ন শাখাই আৰম্ভ কৰিছে বিনামূলীয়া ২৪ ঘণ্টীয়া অক্সিজেন সেৱা প্ৰদান কাৰ্য ৷ তেওঁ লগতে কয় যে মানুহৰ সেৱা কৰা আৰু মানুহৰ জীৱন ৰক্ষা কৰা এই মানৱধৰ্মী কৰ্ম কৰাই হৈছে মাৰোৱাৰী যুৱ মঞ্চৰ মূল উদ্দেশ্য ৷ সেয়ে বঙাইগাঁৱত কোনোবা ব্যক্তিৰ যদি জৰুৰী ভাবে অক্সিজেনৰ  প্ৰয়োজন হয় তেনেহলে ৯৪৩৫৩২৫১২৮ অথবা ৭০০১৬০১৭২০ নম্বৰত যোগাযোগ কৰিব পাৰে ৷🔯