👉বঙাইগাঁৱত ৰেষ্টুৰেণ্টৰ ৰান্ধনি গৃহত অগ্নিকাণ্ড

👉বঙাইগাঁৱত ৰেষ্টুৰেণ্টৰ ৰান্ধনি গৃহত অগ্নিকাণ্ড 

বঙাইগাঁওঃ ২৪ এপ্ৰিলঃ 

📝শনিবাৰে  সন্ধিয়া বঙাইগাঁও চহৰৰ নন্দিনী ৰেষ্টুৰেণ্টত এক অগ্নিকাণ্ড সংঘটিত হয় ৷ ৰেষ্টুৰেণ্টখনৰ ৰান্ধনি গৃহত সংঘটিত অগ্নিকাণ্ডত অৱশ্যে কোনো লোকৰ ক্ষয়- ক্ষতি হোৱা নাই ৷ জুই লগাৰ সময়ত ৰান্ধনি গৃহত কোনো লোক উপস্থিত নাছিল ৷ পিছত এজন কৰ্মচাৰী আহিহে জুই লগা বুলি জানিব পাৰে ৷ অগ্নিকাণ্ডত ৰান্ধনি গৃহৰ চিমনি , বৈদ্যুতিক ৱেৰিং আৰু অন্যান্য আচবাব সমূহৰ ক্ষতি হয় ৷ উল্লেখ্য যে অগ্নিকাণ্ডৰ ফলত ওলোৱা ধোঁৱা দেখি ওচৰৰ লোক তথা অন্যান্য ব্যৱসায়িক প্ৰতিষ্ঠানৰ গৰাকীসকলৰ মাজত আতংকৰ সৃষ্টি হয় ৷ অৱশ্যে পিচত অগ্নি নিৰ্বাপক বাহিনী আৰু ৰেষ্টুৰেণ্টৰ কৰ্মচাৰীসকলে মিলি জুই নিৰ্বাপন কৰে ৷ উল্লেখ্য যে ৰেষ্টুৰেণ্টখনৰ লগতে আছে হোটেল আৰু বস্ত্ৰৰ বিপনী ৷ সেয়ে অগ্নিকাণ্ডই ভয়াৱহ ৰূপ ধাৰণ কৰিলে বৃহৎ ক্ষয় ক্ষতি হ'লহেতেন ৷ কিন্তু সৌভাগ্যক্ৰমে সকলো ৰক্ষা পৰে ৷🔯