👉বঙাইগাঁৱত এন পি পি দলৰ প্ৰাৰ্থী প্ৰভাত বৈষ্ণৱৰ সংবাদমেল

👉বঙাইগাঁৱত এন পি পি দলৰ প্ৰাৰ্থী প্ৰভাত বৈষ্ণৱৰ সংবাদমেল 

বঙাইগাঁওঃ ৪ এপ্ৰিলঃ

📝৩২ নং বঙাইগাঁও বিধান সভা সমষ্টিৰ এন পি পি দলৰ প্ৰাৰ্থী প্ৰভাত বৈষ্ণৱে আজি বৃহত্তৰ বঙাইগাঁও প্ৰেছ ক্লাবত এখন সংবাদ মেলৰ আয়োজন কৰে ৷ সংবাদ মেলত তেওঁ স্থানীয় বিধায়ক তথা মন্ত্ৰী ফণীভূষণ চৌধুৰীক সমালোচনা কৰি কয় যে বঙাইগাঁও সমষ্টিত এতিয়া পৰিৱৰ্তনৰ ঢৌ উঠিছে ৷ ফণীভূষণ চৌধুৰীৰ বিৰুদ্ধে অতিষ্ঠ হৈ পৰিছে সমষ্টিবাসী ৰাইজ ৷ ফণীভূষণ চৌধুৰীৰ বিৰুদ্ধে প্ৰতিষ্ঠান বিৰোধী ঢৌ বৃদ্ধি পোৱাৰ ফলত বিকল্প হিচাপে তেওঁৰ সপক্ষে ভোটাৰ ৰাইজৰ ঢৌ বলিছে ৷ কাৰণ কংগ্ৰেছ দলৰ প্ৰাৰ্থী শংকৰ প্ৰসাদ ৰায়ক জনসাধাৰণে গ্ৰহণ কৰা নাই আৰু দলৰ কৰ্মীসকলেও গ্ৰহণ কৰা নাই ৷ ঠিক সেইদৰে অজাপ আৰু ৰাইজৰ দলৰ প্ৰাৰ্থী দীপু চৌধুৰীৰ প্ৰতি জনসমৰ্থন স্তিমিত হোৱা দেখিবলৈ পাইছো ৷ জনসাধাৰণে ভোট দিবই ৷ এইবাৰ জনসাধাৰণে পৰিৱৰ্তন বিচাৰিছে ৷ কিন্তু যোগ্যব্যক্তি বিচাৰি পোৱা নাই ৷ সেয়ে তেওঁক কিতাপৰ চিনত ভোট দি জয়যুক্ত কৰিবলৈ ৰাইজক আহ্বান জনায় আৰু এইবেলি নিৰ্বাচনত তেওঁ জয়লাভ কৰাটো নিশ্চিত বুলি দাবী কৰে 🔯৷