👉বঙাইগাঁৱত কংগ্ৰেছৰ নিৰ্বাচনী প্ৰচাৰ সভাত সুস্মিতা দেৱ

👉বঙাইগাঁৱত কংগ্ৰেছৰ নিৰ্বাচনী প্ৰচাৰ সভাত সুস্মিতা দেৱ 

👉বিজেপি আৰু অগপ হ'ল বেইমানৰ দল 

বঙাইগাঁওঃ ৪ এপ্ৰিলঃ

📝বিজেপি আৰু অগপ হ'ল বেইমানৰ দল ৷ এই মন্তব্য সৰ্বভাৰতীয় মহিলা কংগ্ৰেছৰ সভানেত্ৰী তথা প্ৰাক্তন সাংসদ সুস্মিতা দেৱৰ ৷ আজি তৃতীয় পৰ্যায়ৰ বিধান সভা নিৰ্বাচনৰ প্ৰচাৰ অভিযানৰ অন্তিম দিনা বিয়লি বঙাইগাঁও বিধান সভা সমষ্টিৰ মহাজোঁট বন্ধনৰ কংগ্ৰেছ দলৰ প্ৰাৰ্থী শংকৰ প্ৰসাদ ৰায়ৰ হৈ এক নিৰ্বাচনী সভাত অংশ গ্ৰহণ কৰি এই মন্তব্য কৰে ৷ বঙাইগাঁও চহৰৰ পালপাৰাত অনুষ্ঠিত নিৰ্বাচনী প্ৰচাৰ সভাত মহিলা কংগ্ৰেছৰ সভানেত্ৰীগৰাকীয়ে কয় যে ইতিহাস চালে জানিব পাৰিব যে বাঙালীসকলৰ বিৰুদ্ধে যিমানবাৰ নিৰ্যানত হৈছে তাৰ পিছফালে অগপ দল আছিল ৷ অসম আন্দোলন অগপই কৰিছিল ৷ বিজেপি আৰু অগপক যদি আমি এই বিধান সভা নিৰ্বাচনত বাধা দিব নোৱাৰো তেতিয়াহলে পুনৰ নতুনকৈ এন আৰ চি হ'ব আৰু নতুনকৈ নথি - পত্ৰ দেখুৱাব লাগিব ৷ এই কথা মন্ত্ৰী হিমন্ত বিশ্ব শৰ্মাই প্ৰকাশ্যে ঘোষণা কৰিছিল ৷ 

সেয়ে এই ছয় এপ্ৰিলৰ ভোট বাঙালীসকলৰ নিৰাপত্তাৰ ভোট আৰু আপোনালোকে যি কোনো প্ৰকাৰে বিজেপিক বাধা দিব লাগিব ৷ আনহাতে প্ৰধানমন্ত্ৰী নৰেন্দ্ৰ মোডীক সমালোচনা কৰি কয় যে মোদীয়ে যোৱা নিৰ্বাচনত কৈছিল যে সকলো ডিটেনচন কেম্প ভাঙি দিব ৷ কিন্তু ক'ত ভাঙিলে ? সেয়ে কংগ্ৰেছ প্ৰাৰ্থী শংকৰ প্ৰসাদ ৰায়ক ভোট দি জয়যুক্ত কৰক ৷ আমি সকলো কৰিম ৷ লগতে কংগ্ৰেছ দলে যি পাঁচটা গেৰাণ্টি দিছো চৰকাৰ গঠন কৰিলে আটাইকেইটা বাস্তৱায়িত কৰিম ৷ নিৰ্বাচনী সভাত সমষ্টিটোৰ প্ৰাৰ্থী শংকৰ প্ৰসাদ ৰায়েও বক্তব্য ৰাখি নিৰ্বাচনত তেওঁক ভোট দি জয়যুক্ত কৰিবলৈ আহ্বান জনায় ৷ নিৰ্বাচনী সভাত কংগ্ৰেছ দলৰ কেইবাগৰাকীও নেতা উপস্থিত থাকে ৷🔯