👉বঙাইগাঁৱত বৃদ্ধ আৰু শাৰীৰিক ভাবে বাধাগ্ৰস্ত ভোটাৰ সকলোকৰ বাবে বিশেষ ব্যৱস্থা গ্ৰহণ

👉বঙাইগাঁৱত বৃদ্ধ আৰু শাৰীৰিক ভাবে বাধাগ্ৰস্ত ভোটাৰ সকলোকৰ বাবে বিশেষ  ব্যৱস্থা গ্ৰহণ 

বঙাইগাঁওঃ ৪ এপ্ৰিলঃ 

📝৩২ নং বঙাইগাঁও বিধানসভা সমষ্টিত তৃতীয় পৰ্যায়ৰ নিৰ্বাচনলৈ  মাজত মাথোঁ আৰু এটা দিন বাকী থকাৰ পৰিপ্ৰেক্ষিতত সমষ্টিটোৰ বৃদ্ধ আৰু শাৰীৰিকভাবে বাধাগ্ৰস্ত ভোটাৰ সকলে নিজৰ ভোটাধিকাৰ সাব্যস্ত কৰাৰ ক্ষেত্রত যাতে কোনো ধৰণৰ বাধাৰ সন্মুখীন নহয় তাৰ বাবে বঙাইগাঁও জিলা প্ৰশাসনে বিশেষ প্ৰদক্ষেপ লৈ দিব্যাংগ সখী আৰু মিত্র নিয়োজিত কৰিছে । ইয়াৰ উপৰিও তেওঁলোকক নিজ নিজ ঘৰৰ পৰা ভোটগ্ৰহণ কেন্দ্ৰলৈ কঢ়িয়াই লৈ যোৱাৰ বাবে বঙাইগাঁও জিলা নিৰ্বাচনী বিষয়াৰ উদ্যোগত যান-বাহনৰো বিশেষ ব্যৱস্থা গ্ৰহণ কৰা হৈছে । সেই অনুসৰি সমাজ কল্যাণ বিভাগৰ অংগনৱাড়ী কৰ্মী আৰু বি এল ও ৰ  সহযোগত ইতিমধ্যে চিনাক্ত কৰি উলিওৱা শাৰীৰিকভাবে বাধাগ্ৰস্ত ভোটাৰ লোক সকলক  ঘৰে ঘৰে গৈ যান-বাহনৰে ভোটগ্ৰহণ কেন্দ্ৰলৈ লৈ আহি  ভোটাধিকাৰ সাব্যস্ত কৰাৰ ক্ষেত্রত সহায় আগবঢ়াব। তাৰোপৰি  প্ৰতিটো ভোটগ্ৰহণ কেন্দ্ৰতে তেনে ব্যক্তিক সহায় কৰিবলৈ একোগৰাকী দিব্যাংগ মিত্ৰ আৰু সখী নিয়োজিত কৰা হৈছে । ইয়াৰ বাবে দেওবাৰে বঙাইগাঁও জিলা পুঁথিভড়াল প্ৰেক্ষাগৃহত অনুষ্ঠিত অনুষ্ঠানত দিব্যাংগ সখী আৰু মিত্র সকলক তেওঁলোকে শাৰীৰিক বাধাগ্ৰস্ত আৰু বয়োজ্যেষ্ঠ ভোটাৰ সকলৰ প্ৰতি ল'বলগীয়া ব্যৱস্থাৱলী সমূহ অৱগত কৰা হয় । উল্লেখ্যযোগ্য যে শাৰীৰিক বাধাগ্ৰস্ত ভোটাৰ সকলে ভোটগ্ৰহণ কেন্দ্ৰলৈ যোৱাৰ পিছত সাধাৰণ ভোটাৰ সকলৰ দৰে শাৰীপাৰি থাকিব নেলাগিব ।🔯