👉ভোট গণনাৰ পিছত উলিয়াব নোৱাৰিব বিজয় সমদল

👉ভোট গণনাৰ পিছত উলিয়াব নোৱাৰিব বিজয় সমদল

বঙাইগাঁওঃ ২৯ এপ্ৰিলঃ 

📝সমগ্ৰ দেশব্যাপী  ক'ভিড-১৯ ৰোগৰ সংক্ৰমণৰ প্ৰতি লক্ষ্য ৰাখি ভাৰতৰ নিৰ্বাচন আয়োগে অহা ২ মে'ত অনুষ্ঠিত হ'বলগীয়া বিধানসভা নিৰ্বাচনৰ ভোট গণনা সন্দৰ্ভত এক কঠোৰ নিৰ্দেশনা জাৰি কৰিছে । সেইমৰ্মে যিহেতু বঙাইগাঁও জিলাখনতো তাৎক্ষনিক ভাবে ক'ভিড-১৯ৰ প্ৰাদূৰ্ভাৱ বৃদ্ধি পাইছে আৰু জিলাখনত সক্ৰিয় ক'ভিড ৰোগীৰ সংখ্যা বৃদ্ধি পাইছে তাৰে পৰিপ্ৰেক্ষিতত বঙাইগাঁও জিলাৰ অতিৰিক্ত জিলা দণ্ডাধীশ ড০ চৈয়দ তহিদুৰ ৰহমানে ভাৰতীয় দণ্ডবিধি আইনৰ ১৪৪ ধাৰাৰ অধিনত কেতবোৰ নিষেধাজ্ঞা জাৰি কৰিছে । সেই অনুসৰি অহা ২মে ৰ ভোট গণনা হৈ যোৱাৰ পিছত কোনেও কোনো ধৰণৰ বিজয় সমদল  উলিওৱাব নোৱাৰিব । একেদৰে বিজয়ী প্ৰাৰ্থী বা তেওঁৰ প্ৰতিনিধিয়ে নিৰ্বাচনী বিষয়াৰ পৰা নিৰ্বাচনৰ প্ৰমাণ পত্র ল'বলৈ আহোতে লগত দুজনতকৈ অধিক লোক আনিব নোৱাৰিব । এই নিৰ্দেশ সমগ্ৰ বঙাইগাঁও জিলাত অহা ২মে ৰ পৰা কাৰ্যকৰি হৈ পৰৱৰ্তী  নিৰ্দেশ নিদিয়া পৰ্যন্ত বলবৎ থাকিব । বৰ্ত্তমান সময়ৰ পৰিপ্ৰেক্ষিতত জৰুৰীকালীন ভাবে প্ৰযোজ্য হোৱাকৈ এই নিৰ্দেশ নিৰপেক্ষভাবে জাৰি কৰা হৈছে । এই নিৰ্দেশ অবমাননা কৰা ব্যক্তিৰ বিৰুদ্ধে আইনগত কঠোৰ ব্যৱস্থা গ্ৰহণ কৰা হ'ব বুলিও নিৰ্দেশটোত উল্লেখ কৰা হৈছে ৷🔯