👉বঙাইগাঁও জিলাত ক'ভিড প'জিটিভ ব্যক্তি এজনৰ মৃত্যু

👉বঙাইগাঁও জিলাত ক'ভিড প'জিটিভ ব্যক্তি এজনৰ মৃত্যু 

বঙাইগাঁওঃ ২২ এপ্ৰিলঃ

📝ৰাজ্যৰ ভিন্ন প্ৰান্তৰ লগতে বঙাইগাঁও জিলাতো ক্ৰমাৎ মহামাৰী ক'ৰোনাই জটিল ৰূপ ধাৰণ কৰিছে ৷ জিলাখনত দৈনিক ক'ভিডত আক্ৰান্তৰ সংখ্যা বৃদ্ধি পাই অহাৰ সময়তে বুধবাৰে ক'ভিড প'জিটিভ ব্যক্তি এজনৰ মৃত্যু হয় ৷ মৃত ব্যক্তিজন জিলাখনৰ ২ নং জাৰাগুৰিৰ ইয়াকৎ আলী ( ৫৬) বুলি জানিব পৰা গৈছে ৷ ব্যক্তিজনক অসুস্থতাৰ বাবে পৰিয়ালৰ লোকে বুধবাৰে গোৱালপাৰাৰ এখনত চিকিৎসালয়ত ভৰ্তি কৰাইছিল ৷ পিছত চিকিৎসালয়খনত ব্যক্তিজনৰ ক'ভিড পৰীক্ষা কৰাত ক'ভিড প'জিটিভ ধৰা পৰিছিল ৷ চিকিৎসালয় কৰ্তৃপক্ষই ৰোগীজনক গুৱাহাটীলৈ প্ৰেৰণ কৰিছিল যদিও পৰিয়ালৰ লোকে ঘৰলৈ লৈ আহিছিল ৷ পিছত ইয়াকৎ আলীৰ মৃত্যু হয় ৷ ইপিনে বঙাইগাঁও জিলা  প্ৰশাসনৰ তৰফৰ পৰা আজি পুৱাৰ ভাগত  জনোৱা মতে জিলাখনৰ মাণিকপুৰ ব্লক প্ৰাথমিক চিকিৎসালয়ৰ অধীনৰ ২ নং জাৰাগুৰি গাঁওৰ মৃত ব্যক্তিজন মধুমেহ ৰোগত আক্ৰান্ত আছিল । ব্যক্তিজন বুধবাৰে গোৱালপাৰাৰ এখন চিকিৎসালয়ত ক'ভিড- ১৯ প'জিটিভ বুলি ধৰা পৰিছিল আৰু পিছত তেওঁক গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হৈছিল ৷ কিন্তু ঘৰৰ মানুহে তেওঁক জাৰাগুৰিৰ বাসগৃহ লৈ লৈ আহে আৰু সিদিনাখনে তেওঁৰ মৃত্যু হয়। তেওঁৰ শেষকৃত্য ক'ভিড প্ৰ'টকল অনুসৰি সম্পন্ন কৰা হয়।🔯