👉বঙাইগাঁও জিলাত পুনৰ ৩৩ জনৰ দেহত ধৰা পৰিল ক'ভিড - ১৯ প'জিটিভ

👉বঙাইগাঁও জিলাত পুনৰ ৩৩ জনৰ দেহত ধৰা পৰিল ক'ভিড - ১৯ প'জিটিভ  

👉মুঠ সক্ৰিয় ৰোগীৰ সংখ্যা ১৬৯ জনলৈ বৃদ্ধি 

👉চৰকাৰী কেনো এখন চিকিৎসালয়তে নাই আই চি ইউ সুবিধাযুক্ত বিছনা

বঙাইগাঁওঃ ২২ এপ্ৰিলঃ

📝বঙাইগাঁও জিলাত ক'ভিড- ১৯ প'জিটিভ ৰোগীৰ সংখ্যা ১৬৯ জনলৈ বৃদ্ধি পাইছে ৷ জিলাখনত বুধবাৰে ২৩ জনকৈ ব্যক্তিৰ দেহত ক'ভিড - ১৯ প'জিটিভ ধৰা পৰাৰ পিচত আজি পুনৰ ৩৩ জনকৈ ব্যক্তি ক'ভিডত আক্ৰন্ত হোৱাটো ধৰা পৰিছে  ৷ জিলাখনত আজি নতুনকৈ ৩৩ জন ব্যক্তিৰ দেহত ক'ভিড - ১৯ প'জিটিভ ধৰা পৰাত বৰ্তমান জিলাখনত মুঠ  সক্ৰিয় ক'ভিড ৰোগীৰ সংখ্যা ১৬৯ জনলৈ বৃদ্ধি পালে ৷ ইপিনে স্বাস্থ্য বিভাগৰ তথ্য মতে জিলাখনত বৃহস্পতিবাৰলৈকে মুঠ ৩৯,০২০ জন ব্যক্তিক প্ৰথম পালি ক'ভিড ভেকচিন প্ৰদান কৰাৰ বিপৰীতে ১২,২৭৬ জন ব্যক্তিক দ্বিতীয় পালি ভেকচিন প্ৰদান কৰা হৈছে ৷ জিলাখনত বৰ্তমানলৈ ৭২০ পালি ক'ভিশ্বিল্ড ভেকচিন আৰু ৩,১১০ পালি ক'ভাক্সিন ভেকচিন মজুত আছে ৷ আনহাতে চৰকাৰী কেনো এখন চিকিৎসালয়তে আই চি ইউ সুবিধাযুক্ত বিছনা এখনো নাই ৷ বৰ্তমান কেৱল ব্যক্তিগত খণ্ডৰ ল'ৱাৰ আসাম হাস্পতালতহে দুখন বিছনা আছে ৷ এনে অৱস্থাত জনসাধাৰণ সজাগ নহলে নিজে নিজৰ বিপদ চপাই লোৱা হ'ব ৷ উল্লেখ্য যে আজিৰ দিনটোত জিলাখনত মুঠ ২,৫০৫ জন ব্যক্তিক এণ্টিজেণ্ট টেষ্ট আৰু আৰ টি পি চি আৰ টেষ্ট কৰা হৈছিল ৷ ইয়াৰ ভিতৰত ৩৩ জন ব্যক্তিৰ দেহত ক'ভিড- ১৯ প'জিটিভ ধৰা পৰে ৷🔯