👉বঙাইগাঁৱত ধুমুহাঃ

👉বঙাইগাঁৱত ধুমুহাঃ 

বঙাইগাঁওঃ৮ এপ্ৰিলঃ 

📝আজি পুৱাৰ ভাগত অহা এজাক ধুমুহাই বঙাইগাঁও জিলাৰ বিভিন্ন প্ৰান্তত কালৰূপ ধাৰণ কৰি বহু লোকৰ ঘৰ -দুৱাৰ ,গছ -গছনি ভাঙি ব্যাপক ক্ষতিসাধন কৰে । প্ৰায় ১৫ মিনিট ধৰি চলা উক্ত ধুমুহাই বহু অঞ্চলৰ বিস্তৰ ক্ষতি সাধন কৰে ৷ বিশেষকৈ জিলাখনৰ অভয়াপুৰী, কাকৈজানা, সোনাখুলী, বৰঘোলা, সৃজনগ্ৰাম, নদীয়ালপাৰা ইত্যাদি অঞ্চলৰ কুৰিৰো  অধিক পৰিয়াল ক্ষতিগ্ৰস্ত হয়। কাল ধুমুহাত নদীয়ালপাৰাৰ জ্যোতিষ কলিতা নামৰ লোকজনৰ দুটি শিশুসহ চাৰিজনীয়া পৰিয়ালটো কথমপি ৰক্ষা পৰে।

ধুমুহাই লোকজনৰ তিনিটাকৈ বাসগৃহ একপ্ৰকাৰ ধ্বংসস্তুপত পৰিণত কৰাৰ ফলত পথৰ ওপৰতেই আশ্ৰয় গ্ৰহণ কৰিব লগা হৈছে। সেইদৰে  জিলাখনৰ কাকৈজানা মজলীয়া বিদ্যালয় গৃহৰ টিনপাত সম্পূৰ্ণ উৰুৱাই নিয়াৰ লগতে বিদ্যালয়খনৰ ৰান্ধনি গৃহৰ ওপৰত প্ৰকাণ্ড গছ পৰাত বিস্তৰ ক্ষতিসাধন হয় ৷ একেদৰে ধুমুহাই কাকৈজানা- - কদমতোলা এল পি স্কুলৰ শৌচাগাৰ আৰু ৰান্ধনি গৃহৰো ক্ষতিসাধন কৰে ৷ অঞ্চলটোত ব্যাপক ক্ষতিসাধন কৰে ৷ ধুমুহাৰ ফলত ঠায়ে ঠায়ে বহু গছ গছনি উভালি পৰি বহু পথ বন্ধ হৈ পৰাৰ উপৰিও ঠায়ে ঠায়ে বিদ্যুৎ সংযোগো ব্যাহত হৈ পৰে🔯