👉 বঙাইগাঁৱত পুনৰ পাঁচজন ব্যক্তিৰ দেহত ধৰা পৰিল ক'ভিড- ১৯ প'জিটিভ

👉 বঙাইগাঁৱত পুনৰ পাঁচজন ব্যক্তিৰ দেহত ধৰা পৰিল ক'ভিড- ১৯ প'জিটিভ

👉আক্ৰান্ত সক্ৰিয় ৰোগীৰ সংখ্যা ১৫ জনলৈ বৃদ্ধি 

বঙাইগাঁওঃ ৮ এপ্ৰিলঃ 

📝ৰাজ্যখনৰ অন্যান্য জিলাৰ লগতে বঙাইগাঁৱতো পুনৰ বৃদ্ধি পাবলৈ আৰম্ভ কৰিছে ক'ৰোনাৰ সংক্ৰমণ ৷ ক্ৰমাৎ দিনে দিনে জিলাখনত ক'ৰোনাত আক্ৰান্ত ব্যক্তিৰ সংখ্যা বৃদ্ধি পাবলৈ ধৰাত এতিয়া জনসাধাৰণৰ মাজত আতংকৰ সৃষ্টি হৈছে ৷ আজি জিলাখনৰ বিভিন্ন ঠাইৰ পাঁচজন ব্যক্তিৰ দেহত ধৰা পৰে ক'ভিড- ১৯ প'জিটিভ ৷ আক্ৰান্তসকল বঙাইগাঁও চহৰৰ উত্তৰ বঙাইগাঁৱৰ বৰফ মিল এলেকাৰ এজন , বিদ্যাপুৰ বাহিৰা চেংমাৰীৰ এজন, বইটামাৰী বাজিতপাৰাৰ এজন আৰু আন দুজন ব্যক্তি বাটাবাৰী আৰু নগৰঝাৰ অঞ্চলৰ বুলি স্বাস্থ্য বিভাগৰ পৰা জানিব পৰা গৈছে ৷ উল্লেখ্য যে এই ব্যক্তিসকলৰ ৰেপিড এণ্টিজেণ্ট পৰীক্ষাত তেওঁলোকৰ দেহত ক'ভিড- ১৯ প'জিটিভ ধৰা পৰে ৷ ইয়াকে ধৰি বৰ্তমান জিলাখনত সক্ৰিয় ক'ভিড- ১৯ প'জিটিভ ৰোগীৰ সংখ্যা ১৫ জন আছে ৷ জিলাখনত মুঠ আক্ৰান্ত ৰেগীৰ সংখ্যা বেছি যদিও ইতিমধ্যে কেইবাজনো ৰোগী সুস্থ হৈ উঠিছে বুলি জানিব পৰা গৈছে ৷ বিহুৰ পূৰ্বে পুনৰ ক'ৰোনাৰ সংক্ৰমণ বৃদ্ধি পাবলৈ ধৰাত সকলোকে চিন্তিত কৰি তুলিছে ৷🔯