👉৩২ নং বঙাইগাঁও বিধান সভা সমষ্টিৰ এজন প্ৰাৰ্থীক কাৰণ দৰ্শোৱাৰ জাননী

👉৩২ নং বঙাইগাঁও বিধান সভা সমষ্টিৰ এজন প্ৰাৰ্থীক কাৰণ দৰ্শোৱাৰ জাননী 

বঙাইগাঁওঃ ২ এপ্ৰিলঃ

📝বঙাইগাঁও বিধান সভা সমষ্ঠিৰ  এজন প্ৰাৰ্থীয়ে নিৰ্দ্ধাৰিত তাৰিখত নিৰ্বাচনী ব্যয়ৰ খতিয়ান দাখিল কৰাৰ পৰা আঁতৰি থকাত জিলা নিৰ্বাচনী বিষয়াই  প্ৰাৰ্থীগৰাকীলৈ কাৰণ দৰ্শোৱাৰ জাননী জাৰি প্ৰেৰণ কৰিছে ৷ উল্লেখ্য যে ৩২ নং বঙাইগাঁও বিধান সভা সমষ্টিৰ প্ৰাৰ্থীসকলৰ নিৰ্বাচনী খা- খৰচৰ খতিয়ান লোৱাৰ কাম ব্যয় পৰ্যবেক্ষকৰ উপস্থিতিত ২৭  মাৰ্চৰ পৰা চলি আছে । সেইমৰ্মে নিৰ্বাচন আয়োগে সমষ্টিটোৰ বাবে নিয়োজিত কৰা ব্যয় পৰ্যৱেক্ষক চটে পাণ্ডুৰাঙৰ উপস্থিতিত সমষ্টিটোৰ প্ৰাৰ্থী সকলৰ নিৰ্বাচনী ব্যয়ৰ খতিয়ান পৰ্যৱেক্ষণ কৰা হয় । যদিও সমষ্টিটোৰ পলিটিকেল জাষ্টিচ পাৰ্টি (Political Justice Party )ৰ শান্তনু মুখাৰ্জী নামৰ প্ৰাৰ্থী গৰাকী যোৱা ২৭ মাৰ্চ আৰু ১ এপ্ৰিলত  অনুষ্ঠিত হোৱা ব্যয় পৰীক্ষণৰ সময় চোৱাত নিজে উপস্থিত নথকাৰ লগতে অইন কোনো দলীয় প্ৰতিনিধিকো প্ৰেৰণ নকৰি বিষয়টো আওকাণ কৰাৰ বাবে তেওঁৰ বিৰুদ্ধে সংশ্লিষ্ট  সমষ্টিৰ ৰিটাৰ্ণিং বিষয়া ডাঃ এম.এছ.লক্ষ্মী প্ৰিয়াই  জনপ্ৰতিনিধিত্ব ধাৰা ৭৭ ৰ অধীনত কাৰণ দৰ্শোৱাৰ জাননী জাৰি কৰিছে । ভাৰতীয় দণ্ডবিধিৰ ১৭১-১ ধাৰাৰ অধীনত প্ৰাৰ্থী গৰাকীৰ বিৰুদ্ধে কিয় ব্যৱস্থা গ্ৰহণ কৰা নহ'ব সেই সন্দৰ্ভত কাৰণ দৰ্শাবলৈ জাননী জাৰি কৰা হৈছে । উল্লেখ্য যে নিৰ্বাচনী বিধি অনুসৰি প্ৰতিজন প্ৰাৰ্থীয়ে তেওঁলোকৰ নিৰ্বাচনী প্ৰচাৰ অভিযানৰ ব্যয়ৰ খতিয়ান সময়ে সময়ে নিৰ্বাচনী পৰ্যৱেক্ষকৰ আগত দাখিল কৰিব লাগে । কিন্তু উক্ত প্ৰাৰ্থী গৰাকীয়ে নিৰ্দ্ধাৰিত তাৰিখত নিৰ্বাচনী ব্যয়ৰ খতিয়ান দাখিল কৰাৰ পৰা আঁতৰি থাকে । অহা ৪ এপ্ৰিলৰ পুৱা ১০ বজাত উপায়ুক্ত কাৰ্যালয়ৰ সভা কক্ষত তৃতীয় পৰ্যায়ৰ পৰীক্ষণ অনুষ্ঠিত হ'ব । উক্ত দিনাও প্ৰাৰ্থী গৰাকী উপস্থিত নেথাকিলে ভাৰতীয় দণ্ডবিধিৰ ১৭১-১ ধাৰাৰ অধীনত ব্যৱস্থা গ্ৰহণ কৰা হ'ব ।🔯