👉বঙাইগাঁৱত মহাজোঁটৰ প্ৰাৰ্থীৰ সমৰ্থনত চি আই টি ইউৰ সমদল

👉বঙাইগাঁৱত মহাজোঁটৰ প্ৰাৰ্থীৰ সমৰ্থনত চি আই টি ইউৰ সমদল

বঙাইগাঁওঃ ২ এপ্ৰিলঃ 

📝আজি বঙাইগাঁৱত কংগ্ৰেছ মহাজোঁটবন্ধনৰ প্ৰাৰ্থী শংকৰ প্ৰসাদ ৰায়ৰ সমৰ্থনত চি আই টি ইউৰ উদ্যোগত বিভিন্ন শ্ৰমিক সংগঠনে চহৰখনত এক সমদল উলিয়ায় ৷ গণতান্ত্ৰিক ধৰ্মনিৰপেক্ষ চৰকাৰ প্ৰতিষ্ঠাৰ হ'কে মহাজোঁটৰ প্ৰাৰ্থীক জয়যুক্ত কৰাৰ আহ্বানেৰে বঙাইগাঁও চহৰৰ বৰপাৰা ৰাজহুৱা খেল পথাৰৰ পৰা উলিওৱা এই সমদলকাৰীসকলে চি আই টি ইউৰ সমৰ্থৰ্থিত মহাজোঁটৰ প্ৰাৰ্থীক হাতৰ ছবিত ভোট দিয়ক ,বঙাইগাঁৱৰ সঁচা অৰ্থত উন্নয়নৰ স্বাৰ্থত হাতৰ চিনত ভোট দিয়ক , ৩৫ বছৰৰ একনায়কত্ববাদৰ বিৰুদ্ধে এইবাৰ পকিৱৰ্তনৰ স্বাৰ্থত হাতৰ চিনত ভোট দিয়ক ,সাম্প্ৰদায়িক ৰাজনীতিৰ বিৰুদ্ধে হাতৰ ছবিত ভোট দিয়ক , মূল্যবৃদ্ধি নিয়ন্ত্ৰণ কৰিব নোৱাৰা অগপ - বিজেপি চৰকাৰৰ বিৰুদ্ধে মহাজোঁটৰ প্ৰাৰ্থীক ভোট দিয়ক আদি বিভিন্ন শ্লোগান দি চহৰখন পৰিভ্ৰমণ কৰে ৷ ইপিনে সমদলত অংশগ্ৰহণ কৰি চি আই টি ইউ নেতা হৰেশ্বৰ দাসে কয় যে আমি শ্ৰমিক বিৰোধী , কৃষক বিৰোধী আৰু সাম্প্ৰদায়িক মিত্ৰজোঁটৰ চৰকাৰখনৰ এইবাৰ পৰিৱৰ্তন বিচাৰিছো আৰু পতন হোৱাতোকে কামনা কৰিছো৷ সেয়ে মহাজোঁট বন্ধনৰ প্ৰাৰ্থীৰ সপক্ষে আমি এই কাৰ্যসূচী গ্ৰহণ কৰিছো ৷ সমদলত কংগ্ৰেছ দলৰ নেতা - নেত্ৰীয়েও অংশ গ্ৰহণ কৰে ৷🔯