👉কৰ্মচাৰী পৰিষদৰ সম্পাদক প্ৰধান মৃণাল দাসৰ বিয়োগত সদৌ অসম আমোলা সন্থাৰ শোক প্ৰকাশ

👉কৰ্মচাৰী পৰিষদৰ সম্পাদক প্ৰধান মৃণাল দাসৰ বিয়োগত সদৌ অসম আমোলা সন্থাৰ শোক প্ৰকাশ 

বঙাইগাঁওঃ ১৫ মেঃ

📝সদৌ অসম কৰ্মচাৰী পৰিষদৰ সম্পাদক প্ৰধান মৃণাল দাসৰ অকাল বিয়োগত সদৌ অসম আমোলা সন্থাই গভীৰ শোক প্ৰকাশ কৰিছে ৷ এক প্ৰেছ বিবৃতিত সন্থাৰ কেন্দ্ৰীয় সভাপতি দিলীপ কোঁৱৰ আৰু সাধাৰণ সম্পাদক সত্যনাৰায়ণ ৰায়ে মৃণাল দাসৰ মৃত্যুত অসমৰ কৰ্মচাৰী সমাজখনে এজন নিষ্ঠাবান কৰ্মীক হেৰুৱালে বুলি কয় ৷ লগতে বিদেহ আত্মাৰ চিৰ শান্তি কামনা কৰি শোক সন্তপ্ত পৰিয়ালবৰ্গলৈ সমবেদনা জ্ঞাপন কৰে ৷ উল্লেখ্য যে বৰ্তমানৰ ক'ৰোনা কালৰ সময়তে আজি পুৱা ক'ভিডত আক্ৰান্ত হৈ সদৌ অসম কৰ্মচাৰী পৰিষদৰ সম্পাদক প্ৰধান মণাল দাসৰ গুৱাহাটী চিকিৎসা মহাবিদ্যালয় হাস্পতালত চিকিৎসাধীন অৱস্থাত মৃত্যু বৰণ কৰে ৷ প্ৰয়াত মৃণাল দাসৰ জন্ম সত্ৰ নগৰী বৰপেটাৰ পূৱ পালাংদি হাটীত ৷ তেওঁ কেইবাখনো নাটক আৰু ধাৰাবাহিকত সু অভিনয়ো কৰিছিল ৷ নাগ্ৰিজুলী খণ্ড উন্নয়ন কাৰ্যালয়ত এগৰাকী গ্ৰাম সেৱক হিচাপে চাকৰি কৰি বৰ্তমান তেওঁ গুৱাহাটীৰ মুখ্য কাৰ্যালয়ত কৰ্মৰত  অৱস্থাতে অকালতে মৃত্যু বৰণ কৰে মৃত্যুৰ সময়ত তেওঁ পত্নী বৰ্ণালী দাস ,এজন পুত্ৰ আৰু এজনী কন্যাক ইহ সংসাৰত এৰি থৈ যায় ৷🔯