👉সংখ্যালঘুৰ নামত কোনো মৰ্চা নহয় , হিন্দু- ইছলাম সকলোৱে পোনপটীয়া কৈ বিজেপি কৰিব

👉সংখ্যালঘুৰ নামত কোনো মৰ্চা নহয় , হিন্দু- ইছলাম সকলোৱে পোনপটীয়া কৈ বিজেপি কৰিব 

👉বহু বুথৰ বিজেপি কৰ্মীয়ে বিজেপিকে ভোট দিয়া নাই ,সেই বুথ ৰাখি লাভ নাই সেই বুথ ভাঙি দিয়া হৈছে

👉ৰাজ্যিক বিষয়ববীয়া, জিলা বিষয়ববীয়ালৈ চিঠি পঠোৱা হৈছে যদি বুথত হাৰিছে অব্যাহতি দিয়া হ'ব 

বঙাইগাঁওঃ ১৫ মেঃ

📝বিজেপিত সংখ্যালঘুৰ নামত আৰু কোনো মৰ্চা নহয় ৷ হিন্দু- ইছলাম,জৈন সকলোৱে পোনপটীয়াকৈ বিজেপি কৰিব ৷ এই মন্তব্য মন্ত্ৰী ৰঞ্জিৎ কুমাৰ দাসৰ ৷ শুকুৰবাৰে বঙাইগাঁও জিলাৰ ক'ভিড পৰিস্থিতিৰ বুজ ল'বলৈ অহা মন্ত্ৰী তথা ৰাজ্যিক বিজেপিৰ সভাপতিগৰাকীক সংখ্যালঘু মৰ্চা ভংগ কৰি দিয়া বিষয়ে সাংবাদিকে প্ৰশ্ন কৰাত মন্ত্ৰী তথা ৰাজ্যিক বিজেপিৰ সভাপতিগৰাকীয়ে এই মন্তব্য কৰে ৷ মন্ত্ৰী দাসে কয় যে চাৰিমাহ পূৰ্বে আমাৰ সংখ্যালঘু মৰ্চাৰ এখন সভা অনুষ্ঠিত হৈছিল আৰু সেই সভাত আমাৰ এটা সমূহীয়া সিদ্ধান্ত আছিল যে অধিকাংশ বুথত যদি আমাৰ যি ২০ জনকৈ সদস্য থাকে তাতকৈ যদি আমি কমকৈ ভোট পাও তেতিয়াহলে সংখ্যালঘু মৰ্চা ৰখাতকৈ নৰখাই ভাল ৷ তাৰ আধাৰতে আমি এটা সিদ্ধান্ত লৈছো যে হিন্দুয়েই হওক বা খৃষ্টানেই হওক বা ইছলাম , জৈনেই নহওক কিয় এতিয়াৰে পৰা পোনপটীয়াকৈ বিজেপি কৰিব ৷ সংখ্যালঘু মৰ্চাৰ নামত আমি বিজেপি নকৰাৰ কথা কৈছো আৰু সেই কাৰণে আমি তৎকালীনভাৱে সংখ্যালঘু মৰ্চা ভংগ কৰি দিছো ৷ আগন্তুক দিনত গঠন কৰিবও পাৰে বা নকৰিবও পাৰে আৰু সেই বিষয়টো আমি পৰৱৰ্তী সময়ত চিন্তা চৰ্চা কৰিম ৷ কেৱল এয়াই নহয় আমি দেখিছো যে হাজাৰ হাজাৰ বুথত আমি কেৱল এককৰ ঘৰত ভোট পাইছো ৷ অৰ্থাৎ আমাৰ ২০ জন সদস্য থকাৰ পিছতো বিজেপিৰ কাৰ্যকৰ্তাই ভোট দিয়া নাই ৷ য'ত বিজেপিৰ কাৰ্যকৰ্তাই ভোট দিয়া নাই ,সেই বুথটো ৰাখি কোনো লাভ নাই৷ গতিকে সেই বুথটো ভাঙিছোৱেই তাৰ উপৰিও আমি যিসকল ৰাজ্যিক বিষয়ববীয়া ,ৰাজ্যিকৰ কাৰ্যনিৰ্বাহক সদস্য,জিলাৰ বিষয়ববীয়া, মণ্ডলৰ বিষয়ববীয়া আছে তেওঁলোকৰো যদি বুথটোত আমি পৰাজিত হৈছো ,তেতিয়াহলে আমি তেওঁলোককো অব্যাহতি দিয়াৰ চিন্তা - চৰ্চা কৰিছো আৰু ইতিধ্যে তেওঁলোকলৈ চিঠি পঠিয়াইছো ৷ আমি বিজেপিয়েই হওক ,অগপই হওক বা ইউ পি পি এলেই হওক মিত্ৰদলে যদি সেই নেতাজনৰ বুথটোত পৰাজিত হৈছো তেতিয়াহলে তেওঁক অব্যাহতি দিয়া হ'ব ৷ নেতা এজন হৈ যদি ২০ টা ভোট নাপায়, তেতিয়াহলে স্বাভাৱিকতে তেনে নেতাৰ প্ৰয়োজন নাই ৷ সেইদৰে ৰাজ্যিক বিজেপিৰ যদি এজন কাৰ্যনিৰ্বাহক নেতা বা বিষয়ববীয়া অথবা জিলাৰ সভাপতি ,সাধাৰণ সম্পাদক হৈ তেওঁ যদি বুথটোত পৰাজিত হ'বলগীয়া হয় তেতিয়াহলে তেওঁ নেতা কেনেকৈ হ'ব ?🔯