👉নৱ-নিৰ্বাচিত মুখ্যমন্ত্ৰীলৈ উষ্ম অভিনন্দন সদৌ অসম আমোলা সন্থাৰ

👉নৱ-নিৰ্বাচিত মুখ্যমন্ত্ৰীলৈ উষ্ম অভিনন্দন সদৌ অসম আমোলা সন্থাৰ

বঙাইগাঁওঃ ১০মেঃ 

📝ৰাজ্যখনৰ পঞ্চদশ মুখ্যমন্ত্ৰী হিচাপে শপত গ্ৰহণ কৰা ড:হিমন্ত বিশ্ব শৰ্মালৈ উষ্ম অভিনন্দন জ্ঞাপন কৰিছে সদৌ অসম আমোলা সন্থাই । লগতে সন্থাই এজন সুদক্ষ,কৰ্মঠ আৰু দূৰদৰ্শী নেতা হিচাপে মুখ্যমন্ত্ৰী ড:হিমন্ত বিশ্ব শৰ্মাৰ নেতৃত্বত নতুন চৰকাৰখনে  সাম্প্ৰতিক সময়ত ৰাজ্যখনে মুখামুখি হোৱা ক'ৰোনা মহামাৰীৰ সংক্ৰমণ আৰু ইয়াৰ ফলত হোৱা লোকৰ মৃত্যু প্ৰতিৰোধ আৰু ৰাজ্যখনৰ শৈক্ষিক সংকট মোচন কৰি অসমৰ সামগ্ৰিক উন্নয়নৰ লগতে চৰকাৰী আমোলা- কৰ্মচাৰী সকলৰ সমস্যা সমাধানত নিশ্চয় গুৰুত্ব প্ৰদান কৰিব বুলিও আশা প্ৰকাশ কৰিছে ৷ এক প্ৰেছ বিবৃতিত সদৌ অসম আমোলা পন্থাৰ সভাপতি দিলীপ কোঁৱৰ আৰু সাধাৰণ সম্পাদক সত্য নাৰায়ণ ৰায়ে কয় যে চৰকাৰী শাসন ব্যৱস্থাৰ মূল চালিকা শক্তিয়ে হ'ল আমোলা-বিষয়াসকল । তৎস্বত্বেও ৰাজ্যখনৰ চৰকাৰী আমোলা সকলৰ আজিও হ'বলৈ ৰৈ আছে বহু সমস্যাৰ সমাধান । বিশেষকৈ ষষ্ঠ দৰমহাৰ ২১মাহৰ বকেয়া,২০২০চনৰ জানুৱাৰীৰ পৰা বন্ধ কৰি ৰখা মৰগীয়া বানচ বকেয়া সহ মুকলি কৰি দিয়া,স্বাস্থ্য বীমা আঁচনি প্ৰৱৰ্তন কৰা, জিলা পৰ্যায়ৰ সকলো চৰকাৰী কাৰ্যালয়ত মুখ্য সহায়ক পদ সৃষ্টি কৰাকে ধৰি ছাৰ্ভিচ ৰুল প্ৰস্তুত কৰা,২০০৫ চনৰ ৫ ফেব্ৰুৱাৰীৰ পৰা অসমত নিযুক্তি লাভ কৰা বিষয়া কৰ্মচাৰী সকলোক এন পি এছ ৰ পৰিৱৰ্তে পেন্সনৰ ব্যৱস্থা কৰা আদি কাৰ্য অতি ক্ষীপ্ৰতাৰে সম্পন্ন কৰি  আমোলা সকলৰ উমৈহতীয়া দায়বদ্ধতা, কৰ্মনিপুণতা আৰু জনসাধাৰণৰ প্ৰতি সেৱাৰ মনোভাৱক অধিক উৎসাহ আৰু প্ৰেৰণা যোগাবলৈ নৱ-নিৰ্বাচিত মুখ্যমন্ত্ৰীয়ে আমোলা কৰ্মচাৰী সকলৰ সমস্যা সমাধানৰ ক্ষেত্ৰত আন্তৰিকতা আৰু প্ৰীতি প্ৰদৰ্শন কৰিব বুলি নেতাদ্বয়ে গভীৰ প্ৰত্যয় পোষণ কৰিছে ।📝