👉অসমৰ নৱনিৰ্বাচিত মুখ্যমন্ত্ৰী ড:হিমন্ত বিশ্ব শৰ্মাৰ লগতে নতুন মন্ত্ৰী সভাক যুৱ -ছাত্ৰ সন্মিলনীৰ অভিনন্দন জ্ঞাপন

👉অসমৰ নৱনিৰ্বাচিত মুখ্যমন্ত্ৰী ড:হিমন্ত বিশ্ব শৰ্মাৰ লগতে নতুন মন্ত্ৰী সভাক যুৱ -ছাত্ৰ সন্মিলনীৰ অভিনন্দন জ্ঞাপন 

বঙাইগাঁও ১০মেঃ

📝অসমৰ নবনিৰ্বাচিত মুখ্যমন্ত্ৰী ড:হিমন্ত বিশ্ব শৰ্মা আৰু নবগঠিত মন্ত্ৰী সভাৰ সকলো মন্ত্ৰীক সদৌ অসম কোচ ৰাজবংশী যুৱ -ছাত্ৰ সন্মিলনীয়ে অভিনন্দন জ্ঞাপন কৰিছে ৷ এক প্ৰেছ বিবৃতিযোগে সদৌ অসম কোচ ৰাজবংশী যুৱ-ছাত্ৰ সন্মিলনীৰ সভাপতি ত্ৰৈলোক্য ৰায় আৰু সাধাৰণ সম্পাদক ধৰ্মেন্দ্ৰ ৰায়ে নতুন মন্ত্ৰীসভাক আদৰণী জনাই কোচ ৰাজবংশী সকলৰ দীৰ্ঘদিনীয়া দাবীসমূহ পুৰণ হ'ব বুলি আশা প্ৰকাশ কৰে৷ নেতাদ্বয়ে কয় যে কোচ ৰাজবংশী সকলৰ জনজাতিকৰণ এক দীৰ্ঘদিনীয়া দাবী আৰু এই দাবীক অসম চৰকাৰে অগ্ৰাধিকাৰ দিলে অতি সোনকালেই কোচ ৰাজবংশী ৰাইজে জনজাতিকৰণ লাভ কৰিবলৈ সক্ষম হ'ব ৷ একেদৰে বি টি আৰ অঞ্চলৰ পৰা যুক্তিসংগত ভাবে কৰ্তনযোগ্য গাওঁসমূহ কৰ্তনৰ বিষয়তো চৰকাৰখনক ক্ষীপ্ৰতাৰে কাম কৰিবলৈ নেতাদ্বয়ে আহ্বান জনায়৷🔯