👉ক'ভিড নিগেটিভ হোৱাৰ পিছতো প্ৰাণ হেৰুৱাইছে বহুতে

👉ক'ভিড  নিগেটিভ হোৱাৰ পিছতো প্ৰাণ হেৰুৱাইছে বহুতে

👉বঙাইগাঁও জিলাত ক'ৰোনা সংক্ৰমিত মহিলাৰ মৃত্যু 

বঙাইগাঁওঃ ১৮ মেঃ

📝ক'ৰোনা মহামাৰীয়ে কালৰূপ ধাৰণ কৰাৰ ফলত এতিয়া বহু পৰিয়ালে নিজৰ আপোনজনক হেৰুৱাবলগীয়া হৈছে ৷আনকি প্ৰথম অৱস্থাত ক'ভিড প'জিটিভ হৈ চিকিৎসা গ্ৰহণ কৰি ক'ভিড নিগেটিভ হোৱাৰ পিছতো সাৱতি লৈছে  মৃত্যুক ৷ শেহতীয়াভাৱে মঙলবাৰে বঙাইগাঁও জিলা তথ্য আৰু জনসংযোগ বিভাগৰ মুখ্য সহায়ক উৎপল কলিতাৰ পত্নী জবা কলিতা ( ৪৮) ৰ বঙাইগাঁৱৰ এখন ব্যক্তিগত হাস্পতালত মৃত্যু হয় ৷ জানিব পৰা অভয়াপুৰী লাচিত নগৰৰ বাসিন্দা জবা কলিতাই যোৱা দুই মেত গাটো বেয়া লাগি থকাত ক'ভিড টেষ্ট কৰিছিল ৷ ৰেপিড এণ্টিজেন টেষ্টৰ ফলাফল প'জিটিভ অহাত হোম কোৱাৰেণ্টাইনত আছিল যদিও পাঁচ মেত শ্বাস- প্ৰশ্বাস লোৱাত অসুবিধা হোৱাত অভয়াপুৰীৰ দীনৰাম মেমোৰিয়েল হাস্পতালত ভৰ্তি কৰিছিল ৷ পিছত নিশাটো তাতে ৰাখি পিছদিনা বঙাইগাঁও অসামৰিক চিকিৎসালয়ত ভৰ্তি কৰে ৷ ইয়াৰ পিছত উন্নত চিকিৎসাৰ বাবে পুনৰ ছয় মেত বঙাইগাঁৱৰ ব্যক্তিগত খণ্ডৰ স্বাগত হাস্পতালত ভৰ্তি কৰে ৷ ক'ভিডত আক্ৰান্ত হৈ শ্বাস- প্ৰশ্বাসজনিত সমস্যাত ভুগি উক্ত চিকিৎসালয়খনতে চিকিৎসাধীন হৈ আছিল যদিও ইয়াৰ মাজতে ছয়দিনমান পূৰ্বে কৰা ৰেপিড এণ্টিজেণ্ট টেষ্টৰ ফলাফল নিগেটিভ আহিছিল ৷ সেইদৰে সোমবাৰে আৰ টি পি চি আৰ টেষ্টৰ ফলাফলো নিগেটিভ আহে ৷ এনে অৱস্থাত মঙলবাৰে উন্নত চিকিৎসাৰ বাবে গুৱাহাটীলৈ নিয়াৰ বাবে  পুৱাৰ ভাগত যো- জা কৰাৰ সময়তে জবা কলিতাৰ মৃত্যু হয় ৷ মৃত্যুৰ সময়ত জবা কলিতাই দুটি সন্তান আৰু স্বামী তথা জিলা জনসংযোগ বিভাগৰ মুখ্য সহায়ক উৎপল কলিতাৰ লগতে আত্মীয়ক ইহ সংসাৰত এৰি থৈ যায় ৷ ইপিনে মৃত জবা দাসৰ ক'ভিড প্ৰ'টকল অনুসৰি শেষকৃত্য সম্পন্ন কৰা হয় ৷🔯