👉বঙাইগাঁও জিলাত ক'ভিডত দুজনৰ মৃত্যু

👉বঙাইগাঁও জিলাত ক'ভিডত দুজনৰ মৃত্যু 

👉নতুনকৈ ৭৫  জন ব্যক্তি ক'ভিডত আক্ৰান্ত 

বঙাইগাঁওঃ ১৯ মেঃ

📝বঙাইগাঁও জিলাত বুধবাৰে পুনৰ নতুনকৈ ৭৫ জন ব্যক্তি ক'ভিড - ১৯ আক্ৰান্ত  হৈছে ৷ আনহাতে মৃত্যু হৈছে দুজনৈ ব্যক্তিৰ ৷ জিলা প্ৰশাসনে প্ৰকাশ কৰা তথ্য মতে বঙাইগাঁও জেল্কাঝাৰৰ ৰাজেন ৰায় ( ৫১) নামৰ ব্যক্তিজনৰ ব্যক্তিগতখণ্ডৰ স্বাগত হাস্পতালত চিকিৎসাধীন হৈ থকা অৱস্থাত মৃত্যু হয় ৷ সেইদৰে ৰে'লৱে বিজি কলনিৰ বিনোদানন্দ চৌধুৰী( ৫৬) নামৰ আন এজন ব্যক্তিৰো মৃত্যু বুধবাৰে মৃত্যু হয় ৷ বিনোদানন্দ চৌধুৰীক বঙাইগাঁও অসামৰিক চিকিৎসালয়লৈ অনা হৈছিল যদিও ইতিমধ্যে ব্যক্তিজনৰ মৃত্যু হৈছিল ৷ ইপিনে জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৩৯১ জন হৈছে ৷ ইয়াৰে ভিতৰত ২৬৭ জন ইনষ্টিটিউচনেল কোৱাৰেণ্টাইনত আৰু ১২৪ জন হোম কোৱাৰেণ্টাইনত আছে ৷ আনহাতে বুধবাৰৰ দিনটোত সুস্থ হৈ উঠিছে ৫৮ জনকৈ ৰোগী ৷ যিটো ভাল খবৰ ৷ কাৰণ জিলাখনত দৈনিক নতুনকৈ ব্যক্তি ক'ৰোনাত আক্ৰান্ত হৈ আছে যদিও সুস্থ হৈও আছে ৷ জিলাখনত বুধবাৰে মুঠ ৪১০৩ জন ব্যক্তিক ক'ভিড টেষ্ট কৰা হয় ৷ আনহাতে জিলাখনত ১ মাৰ্চৰ পৰা মঙলবাৰলৈ  মুঠ ক'ভিডত আক্ৰান্ত ব্যক্তিৰ সংখ্যা ২,১৭৬ জন ৷ 🔯