👉বঙাইগাঁও জিলাত ক'ভিডত ঢুকোৱা লোকৰ শেষকৃত্যৰ ব্যয় বহন কৰিব জিলা প্ৰশাসনে

👉বঙাইগাঁও জিলাত ক'ভিডত ঢুকোৱা লোকৰ শেষকৃত্যৰ ব্যয় বহন কৰিব জিলা প্ৰশাসনে

বঙাইগাঁওঃ ২০ মেঃ 

📝সম্প্ৰতি ক'ভিড মহামাৰীয়ে মানুহৰ জীৱনলৈ বিভীষিকা নমাই আনিছে । এই মহামাৰীত মৃত্যু ঘটিছে বহু লোকৰ। বঙাইগাঁৱতো বহু কেইগৰাকী লোকৰ ক'ভিডত মৃত্যু হৈছে। ক'ভিডত মৃত্যু হোৱা বহু লোকৰ পৰিয়ালৰ হয়তো শেষকৃত্যৰ ব্যয় বহন কৰাৰ সামৰ্থ্যও নাই।গতিকে এনে অৱস্থাত এতিয়াৰে পৰা বঙাইগাঁও জিলা প্ৰশাসনে ক'ভিডত মৃত্যু হোৱা দুৰ্ভগীয়া লোকৰ শেষকৃত্যৰ ব্যয় বহন কৰাৰ সিদ্ধান্ত গ্ৰহণ কৰিছে।এই সন্দৰ্ভত জিলা প্ৰশাসনৰ তৰফৰ পৰা এক বিবৃতিযোগে জিলা উপায়ুক্ত ডা: এম এচ লক্ষ্মী প্ৰিয়াই  জানিবলৈ দিয়ে যে এতিয়াৰে পৰা বঙাইগাঁও জিলা প্ৰশাসনে ক'ভিডত মৃত্যু হোৱা লোকৰ শেষকৃত্যৰ ব্যয় বহন কৰিব আৰু এই ক্ষেত্ৰত মৃতকৰ পৰিয়ালে কোনো খৰছ বহন কৰিব নালাগে। সংশ্লিষ্ট চক্ৰ বিষয়াৰ হাতত জিলা প্ৰশাসনে ইয়াৰ বাবে আৱশ্যকীয় ধন প্ৰদান কৰিব।এইক্ষেত্ৰত এখন সমিতি গঠন কৰা হৈছে। অতিৰিক্ত উপায়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়াক সভাপতি আৰু জিলাখনৰ চক্ৰ বিষয়াসকল, যুটীয়া স্বাস্থ্য সেৱা সঞ্চালক তথা পৌৰসভাৰ কাৰ্যবাহী বিষয়াক সদস্য হিচাপে লৈ এই সমিতি গঠন কৰা হৈছে। মৃতদেহ কঢ়িয়াবলৈ তিনিখন এম্বুলেন্সো সাজু কৰা হৈছে। ইয়াৰে ভিতৰত এখন বঙাইগাঁও পৌৰসভাই, এখন অভয়াপুৰী পৌৰসভাই আৰু তৃতীয়খন এম্বুলেন্স স্বাস্থ্য বিভাগে যোগান ধৰিব।🔯