👉বঙাইগাঁৱত পৰাগ কুমাৰ দাসলৈ শ্ৰদ্ধাঞ্জলি

👉বঙাইগাঁৱত পৰাগ কুমাৰ দাসলৈ শ্ৰদ্ধাঞ্জলি

বঙাইগাঁও:১৭ মে :

📝নিৰ্ভীক সাংবাদিক তথা জাতীয় শ্বহীদ পৰাগ কুমাৰ দাসৰ ২৫ সংখ্যক মৃত্যু বাৰ্ষিকী উপলক্ষে আজি বঙাইগাঁৱৰ টেঙাইগাঁৱত বঙাইগাঁও জিলা মানৱ অধিকাৰ সংগ্ৰাম সমিতিৰ উদ্যোগত এক শ্ৰদ্ধাঞ্জলি অনুষ্ঠানৰ আয়োজন কৰা হয় ৷ অনুষ্ঠানত শ্বহীদগৰাকীৰ প্ৰতিচ্ছবিত মানৱ অধিকাৰ সংগ্ৰাম সমিতিৰ কেন্দ্ৰীয় সমিতিৰ উপাধ্যক্ষ ৰোহিনী সিংহই মাল্যাৰ্পণ কৰাৰ বিপৰীতে বন্তি প্ৰজ্বালন কৰে পূৰ্বাঞ্চলীয় ৰে'লকৰ্মী পৰিষদৰ সভাপতি প্ৰফুল্ল সূত্ৰধৰে ৷ অনুষ্ঠানত উপস্থিত থাকি প্ৰয়াত সাংবাদিক গৰাকীলৈ শ্ৰদ্ধাঞ্জলি নিবেদন কৰে মানৱ অধিকাৰ সংগ্ৰাম সমিতিৰ বঙাইগাঁও জিলা সমিতিৰ অধ্যক্ষ বিজয় নাৰায়ণ বৰুৱা, সচিব বিকাশ বৰ্মনৰ লগতে অন্যান্য কৰ্মকৰ্তা সকলে ৷ অনুষ্ঠানটি টেঙাইগাঁও লাইব্ৰেৰী এণ্ড ক্লাবত অনুষ্ঠিত হয়🔯