👉বঙাইগাঁও জিলাত ক'ভিডত তিনিজনৰ মৃত্যু

👉বঙাইগাঁও জিলাত ক'ভিডত তিনিজনৰ মৃত্যু

👉নতুন কৈ আক্ৰান্ত ৬৩ জন  

👉জিলাখনত মুঠ সক্ৰিয় ৰোগীৰ সংখ্যা  ৩৬৪ জনলৈ হ্ৰাস 

বঙাইগাঁওঃ ১৭ মেঃ 

📝বঙাইগাঁও জিলাত ক'ৰোনাৰ সংক্ৰমণ অব্যাহত আছে ৷  একেদৰে মৃত্যু হৈ আছে ক'ৰোনাত আক্ৰান্ত ব্যক্তিৰ ৷ অৱশ্যে জিলাখনত দৈনিক ক'ৰোনাত আক্ৰান্ত ৰোগী সুস্থ হৈও উঠিছে ৷ জিলা প্ৰশাসনে প্ৰকাশ কৰা তথ্য মতে জিলাখনত সোমবাৰে তিনিজন ব্যক্তিৰ ক'ভিডত মৃত্যু হৈছে ৷ ইয়াৰে জিলাখনৰ খগড়পুৰৰ অখিল চন্দ্ৰ ৰাভা(৫২) ৰ বঙাইগাঁৱৰ ব্যক্তিগত খণ্ডৰ হাস্পতাল ল'ৱাৰ আসামত চিকিৎসাধীন অৱস্থাত মৃত্যু হোৱাৰ বিপৰীতে অভয়াপুৰীৰ মনোজ দাস( ৬৭) ৰ দীনৰাম মেমোৰিয়েল হাস্পতালত মৃত্যু হয় ৷ আনহাতে বঙাইগাঁও অসামৰিক চিকিৎসালয়ত এজন ৭০ বছৰীয়া অচিনাকী ব্যক্তি(মগনীয়া) ৰ মৃত্যু হয় ৷ ইপিনে জিলাখনত সোমবাৰে পুনৰ নতুনকৈ ৬৩ জন ব্যক্তিৰ দেহত ক'ভিড - ১৯ প'জিটি ধৰা পৰিছে ৷ ইয়াকে ধৰি জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৩৬৪ জন আছে ৷ ইয়াৰে ভিতৰত ৩৩৩ জন ইনষ্টিটিউচনেল কোৱাৰেণ্টাইনত আৰু ৩১ জন হোম কোৱাৰেণ্টাইনত আছে ৷ আনহাতে সোমবাৰৰ দিনটোত সুস্থ হৈ উঠিছে ২০৪ জনকৈ ৰোগী ৷ যিটো ভাল খবৰ ৷ কাৰণ জিলাখনত দৈনিক নতুনকৈ ব্যক্তি ক'ৰোনাত আক্ৰান্ত হৈ আছে যদিও সুস্থ হৈও আছে ৷ জিলাখনত সোমবাৰে মুঠ ৩,৬০৫ জন ব্যক্তিক ক'ভিড টেষ্ট কৰা হয় ৷ আনহাতে জিলাখনত ১ মাৰ্চৰ পৰা সোমবাৰলৈ  মুঠ ক'ভিডত আক্ৰান্ত ব্যক্তিৰ সংখ্যা ২,০৩২ জন ৷🔯