👉ক'ৰোনা ঃ বঙাইগাঁও জিলাত পুনৰ দুজনৰ মৃত্যু

👉ক'ৰোনা ঃ বঙাইগাঁও জিলাত পুনৰ দুজনৰ  মৃত্যু

👉নতুনকৈ আক্ৰান্ত ১৫৫ জন

বঙাইগাঁওঃ ১০  মেঃ 

📝মহামাৰী ক'ৰোনাই এতিয়া কাঢ়ি নিছে এজনৰ পিছত আনজনৰ প্ৰাণ ৷ বঙাইগাঁও জিলাতো মহামাৰী ক'ৰোনাৰ সংক্ৰমণে এতিয়া ভয়াৱহ ৰূপ ধাৰণ কৰি থকাত আক্ৰান্ত ব্যক্তিৰ মৃত্যুৰ সংখ্যাও দৈনিক বৃদ্ধি পাবলৈ ধৰিছে ৷ জিলা প্ৰশাসনে প্ৰকাশ কৰা তথ্য মতে দেওবাৰ আৰু সোমবাৰে জিলাখনৰ দুজনকৈ ব্যক্তিৰ ক'ভিডত আক্ৰান্ত হৈ মৃত্যু হৈছে ৷ মৃত দুয়োজন ব্যক্তিয়ে বঙাইগাঁও জিলাৰ বইটামাৰী অঞ্চলৰ ৷ ইয়াৰে বইটামাৰী ৰঘুনন্দনপুৰৰ অমেন নাথ( Amen Nath, ৪৪) নামৰ ব্যক্তিজনক ৬ মে'ত বৰপেটা চিকিৎসা মহাবিদ্যালয় হাস্পতালত ভৰ্তি কৰা হৈছিল যদিও দেওবাৰে  চিকিৎসাধীন অৱস্থাত তাতে মৃত্যু হয় ৷ আনহাতে বইটামাৰী  সজনাভিটাৰ অৰুণ বৰ্মন ( ৬২) নামৰ ব্যক্তিজনৰ সোমবাৰে বৰপেটা চিকিৎসা মহাবিদ্যালয় হাস্পতালত চিকিৎসাধীন অৱস্থাত মৃত্যু হয় ৷ ইপিনে জিলাখনত সোমবাৰৰ দিনটোত পুনৰ নতুনকৈ ১৫৫ জন ব্যক্তি ক'ভিড - ১৯ ত আক্ৰান্ত হোৱাটো ধৰা পৰিছে ৷ ইয়াকে ধৰি জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৮৭৭ জনলৈ বৃদ্ধি পাইছে ৷ আনহাতে সোমবাৰৰ দিনটোত সুস্থ হৈ উঠিছে ৭৪ জনকৈ ৰোগী ৷ জিলাখনত সোমবাৰে মুঠ ৩,২৩১ জন ব্যক্তিক ক'ভিড টেষ্ট কৰা হয় ৷ জিলাখনত ১ মাৰ্চৰ পৰা সোমবাৰলৈকে মুঠ ক'ভিডত আক্ৰান্ত ব্যক্তিৰ সংখ্যা ১,৫৩৯ জন ৷🔯