👉বঙাইগাঁও জিলাত ক'ভিডত এজনৰ মৃত্যু

👉বঙাইগাঁও জিলাত ক'ভিডত এজনৰ মৃত্যু 

👉নতুনকৈ ৮৫  জন ব্যক্তি ক'ভিডত আক্ৰান্ত 

বঙাইগাঁওঃ ২০ মেঃ

📝বঙাইগাঁও জিলাত বৃহস্পতিবাৰে নতুনকৈ ৮৫ জন ব্যক্তি ক'ভিড - ১৯ আক্ৰান্ত  হৈছে ৷ আনহাতে মৃত্যু হৈছে এজন ব্যক্তিৰ ৷ জিলা প্ৰশাসনে প্ৰকাশ কৰা তথ্য মতে ক'ভিডত মৃত লোকজন বঙাইগাঁও জিলাৰ অভয়াপুৰী টেংনামাৰীৰ আমীৰ হুছেইন প্ৰামাণিক(৭৪)। ব্যক্তিজনক প্ৰথমে অভয়াপুৰী সমূহীয়া স্বাস্থ্য কেন্দ্ৰত চিকিৎসা কৰাৰ পিছত বঙাইগাঁও চিভিল হাস্পতাললৈ প্ৰেৰণ  কৰা হৈছিল যদিও পিছত মৃত্যু হয় ৷ ইপিনে জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা পুনৰ বৃদ্ধি পাই ৪৯৭ জন হৈছে ৷ ইয়াৰে ভিতৰত ২৭৩ জন ইনষ্টিটিউচনেল কোৱাৰেণ্টাইনত আৰু ২২৪ জন হোম কোৱাৰেণ্টাইনত আছে ৷ আনহাতে বৃহস্পতিবাৰৰ দিনটোত সুস্থ হৈ উঠিছে ৬৯ জনকৈ ৰোগী ৷ যিটো ভাল খবৰ ৷ কাৰণ জিলাখনত দৈনিক নতুনকৈ ব্যক্তি ক'ৰোনাত আক্ৰান্ত হৈ আছে যদিও সুস্থ হৈও আছে ৷ জিলাখনত বৃহস্পতিবাৰে মুঠ ৩২৯৬ জন ব্যক্তিক ক'ভিড টেষ্ট কৰা হয় ৷ আনহাতে জিলাখনত ১ মাৰ্চৰ পৰা বৃহস্পতিবাৰলৈ  মুঠ ক'ভিডত আক্ৰান্ত ব্যক্তিৰ সংখ্যা ২,২৬৮ জন ৷🔯