👉চিৰাঙৰ বিজনীত বাৰ্মিজ চুপাৰি ছিণ্ডিকেটৰ বিৰুদ্ধে আৰক্ষীৰ অভিযান

👉চিৰাঙৰ বিজনীত বাৰ্মিজ চুপাৰি ছিণ্ডিকেটৰ বিৰুদ্ধে আৰক্ষীৰ অভিযান

👉১০ কোটি টকা বজাৰ মূল্যৰ চুপাৰি জব্দ, ৯ জনক আটক 

বঙাইগাঁওঃ ২২মে

📝: চিৰাং জিলাত দীৰ্ঘদিন ধৰি সক্ৰিয় হৈ থকা বাৰ্মিজ চুপাৰি চিণ্ডিকেট চক্ৰৰ বিৰিদ্ধে তৎপৰ হৈ পৰিছে জিলাখনৰ আৰক্ষী ৷ এই তৎপৰতাৰ অংশ হিচাপে জিলাখনৰ বিজনীত শুকুৰবাৰে নিশা চিৰাং আৰক্ষীয়ে সক্ৰিয় হৈ থকা বাৰ্মিজ চুপাৰিৰ আন্তৰ্জাতিক চোৰাং ব্যৱসায়ৰ সৈতে জড়িত ছিণ্ডিকেট চক্ৰৰ বিৰুদ্ধে অতৰ্কিতে অভিযান চলাই ৯ জন ব্যক্তিক আটক কৰে। সেই দৰে আৰক্ষীয়ে একাধিক অবৈধ চুপাৰি মজুত ৰখা গুদামটো অভিযান চলায় ৷ আৰক্ষীয়ে চলোৱা এই অভিযানত প্ৰায় ১০ কোটি টকা বজাৰ মূল্যৰ চুপাৰিও জব্দ কৰে। সেইদৰে গুদাম গৃহত ম্যানমাৰ আৰু বাংলাদেশত নিৰ্মিত কেইবাখনো মৰাপাটেৰে তৈয়াৰী বস্তাও জব্দ কৰে। 

উল্লেখ্য যে দীৰ্ঘ সময় ধৰি জিলাখনৰ বিজনী অঞ্চলত সক্ৰিয় হৈ থকা বাৰ্মিজ চুপাৰিৰ আন্তৰ্জাতিক চোৰাং ব্যৱসায়ী চক্ৰই বিভিন্ন পক্ষক হাতৰ মুঠিত ৰাখি পোনে পোনে ম্যানমাৰৰ পৰা চুপাৰি আমদানি কৰি বিভিন্ন গুদামত মজুত ৰাখি পাছত ছেগবুজি বহিঃৰাজ্য আৰু ভাৰতৰ চুবুৰীয়া ৰাষ্ট্ৰ সমূহলৈ প্ৰেৰণ কৰাৰ অভিযোগ উত্থাপিত হৈ আহিছে। ইয়াৰ মাজতে চিৰাং জিলাৰ নৱ নিযুক্ত আৰক্ষী অধীক্ষক গৌৰৱ উপাধ্যায়ৰ নেতৃত্বত তথা অতিৰিক্ত আৰক্ষী অধীক্ষক প্ৰকাশ মেধি, উপ আৰক্ষী অধীক্ষক প্ৰতাপ দাস আৰু বিজনী মহকুমা আৰক্ষী বিষয়াৰ সহযোগত চাৰিটা অভিযানকাৰী গোটত বিভক্ত হৈ যোৱা নিশা ১১ বজাত চলোৱা অভিযানত আৰক্ষীয়ে ছিণ্ডিকেট চক্ৰৰ মূল ব্যক্তি হিচাপে সন্দেহ কৰা কুৰবান আলীৰ লগতে আন ৮ জনক আটক কৰিবলৈ সক্ষম হয়। পিছত আটক কৰা ৯ জনকে সোধ -পোছৰ বাবে বিজনী থানাত লৈ যায় । চিৰাং জিলা আৰক্ষীৰ বাবে এয়া এক বৃহৎ সফলতা হিচাপে পৰিগণিত হৈছে ৷🔯