👉ফণীভূষণ চৌধুৰী - পৰমানন্দ ৰাজবংশীক মন্ত্ৰীত্ব প্ৰদানৰ দাবী

👉বিজেপি - অগপ- ইউ পি পি এল মিত্ৰজোট ক্ষমতাত অধিস্থিত হোৱাত আদৰণি যুৱ ছাত্ৰ সন্মিলনীৰ 

👉ফণীভূষণ চৌধুৰী - পৰমানন্দ ৰাজবংশীক মন্ত্ৰীত্ব প্ৰদানৰ দাবী

বঙাইগাঁওঃ ৭মেঃ

📝সদ্যঘোষিত অসম বিধানসভা নিৰ্বাচনত বিজেপি, অগপ আৰু ইউ পি পি এল মিত্ৰজোটে ক্ষমতাত অধিস্থিত হোৱাত আদৰণি জনাইছে সদৌ অসম কোচ ৰাজবংশী যুৱ-ছাত্ৰ সন্মিলনীয়ে ৷ এক প্ৰেছ বিবৃতিত সদৌ অসম কোচ ৰাজবংশী যুৱ-ছাত্ৰ সন্মিলনীৰ সভাপতি ত্ৰৈলোক্য ৰায় আৰু সাধাৰণ সম্পাদক ধৰ্মেন্দ্ৰ ৰায়ে কয় যে কোচ ৰাজবংশী সকলোৰ জনজাতিকৰণ, বি টি আৰৰ পৰা যুক্তিপূৰ্ণ কৰ্তনযোগ্য গাওঁসমূহ কৰ্তন আদি কামসমূহ শীঘ্ৰে সমাপন হোৱাটো কোচ ৰাজবংশী জণগণে বিচাৰে৷ এই বিষয়সমূহ গঠন হ'বলগীয়া চৰকাখনক অগ্ৰাধিকাৰ দিবলৈ নেতাদ্বয়ে বিবৃতিযোগে  অনুৰোধ জনায়৷ আনহাতে একেটা বিবৃতিতে বঙাইগাঁও বিধানসভা সমষ্টিৰ বিধায়ক ফণীভূষণ চৌধুৰী আৰু ছিপাঝাৰ বিধানসভা সমষ্টিৰ বিধায়ক ডঃ পৰমানন্দ ৰাজবংশীক কেবিনেট মন্ত্ৰীৰ স্থান দিবলৈ দাবী জনায়৷ নেতাদ্বয়ে কয় যে নিকা ভাবমূৰ্তিৰ ফণীভূষণ চৌধুৰী একেৰাহে অষ্টম বাৰৰ বাবে নিৰ্বাচিত হোৱা বিধায়ক হোৱাৰ উপৰিও কমতাপুৰ স্বায়ত্ত্বশাসিত পৰিষদ অঞ্চলৰ শাসকীয় দলৰ একমাত্ৰ বিধায়ক৷ অনগ্ৰসৰ এই অঞ্চলটোক আগবঢ়াই নিবলৈ জনসাধাৰণে এজন কেবিনেট মন্ত্ৰীৰ প্ৰয়োজন অনুভৱ কৰে৷ সেইদৰে ছিপাঝাৰ সমষ্টিৰ বিধায়ক পৰমানন্দ ৰাজবংশী অসমৰ জাতীয় জীৱন তথা বৌদ্ধিক সমাজৰ নেতৃত্ব প্ৰদানৰ অভিজ্ঞতাসম্পন্ন ব্যক্তি৷ এনে ব্যক্তিত্বসম্পন্ন বিধায়কদ্বয় মন্ত্ৰীসভাত থাকিলে অসমৰ ৰাইজে সুফল পাব বুলি মত প্ৰকাশ কৰি বিধায়কদ্বয়ক মন্ত্ৰীত্ব প্ৰদানৰ বাবে সদৌ অসম কোচ ৰাজবংশী যুৱ-ছাত্ৰ সন্মিলনীৰ নেতাদ্বয়ে দাবী জনায়৷🔯