👉বঙাইগাঁও জিলাত ১৮ৰ পৰা ৪৪ বছৰ বয়সৰ ব্যক্তিক ভেকচিন প্ৰদান প্ৰক্ৰিয়া আৰম্ভ

👉বঙাইগাঁও জিলাত ১৮ৰ পৰা ৪৪ বছৰ বয়সৰ ব্যক্তিক ভেকচিন  প্ৰদান প্ৰক্ৰিয়া আৰম্ভ 

👉প্ৰথমদিনা ৯৭১ জনক ভেকচিন প্ৰদান 

বঙাইগাঁওঃ ৭ মেঃ

📝ক'ৰোনা মহামাৰীৰ পৰা নিজকে সুৰক্ষিত কৰি ৰখাৰ বাবে এতিয়া সকলোৱে ক'ভিড ভেকচিন লোৱাৰ বাবে আগবাঢ়ি অহা পৰিলক্ষিত হৈছে ৷ যাৰ বাবে ভেকচিন প্ৰদান কেন্দ্ৰবোৰত দেখা গৈছে লোকৰ দীঘলীয়া শাৰী৷ বঙাইগাঁৱতো একেই দৃশ্য ৷ পুৱাৰে পৰা শাৰী পাতিছে ভেকচিন ল'বলৈ লোকে ৷ ইপিনে চৰকাৰে ১৮ বছৰৰ পৰা ৪৪ বছৰৰ বয়সৰ ব্যক্তিসকলকো ক'ভিড ভেকচিন দিয়াৰ ব্যৱস্থা গ্ৰহণ কৰাত বঙাইগাঁও জিলাতো আজিৰে পৰা এই ভেকচিন প্ৰদান  প্ৰক্ৰিয়া  আৰম্ভ হৈছে ৷ জিলাখনত আজি১৮ ৰ পৰা ৪৪ বছৰ বয়সৰ মুঠ ৯৭১ জন ব্যক্তিক প্ৰথম পালি ক'ভিড ১৯ ভেকচিন প্ৰদান কৰা হয় ৷ জিলাখনত ইয়াৰ ওপৰৰ বয়সৰ ব্যক্তিকো ভেকচিন প্ৰদান কৰি থকা হৈছে ৷ 🔯