👉বঙাইগাঁও জিলাত ক'ভিডত দুজনৰ মৃত্যু

👉বঙাইগাঁও জিলাত ক'ভিডত দুজনৰ মৃত্যু 

👉নতুনকৈ আক্ৰান্ত ৫৫ জন 

বঙাইগাঁওঃ ২৩  মেঃ

📝বঙাইগাঁও জিলাত ক'ৰোনাৰ সংক্ৰমণ অব্যাহত আছে ৷ সেইদৰে ক'ৰোনাত আক্ৰান্ত ব্যক্তিৰ মৃত্যুও ঘটি আছে ৷ জিলাখনত দেওবাৰে নতুনকৈ ৫৫ জন ব্যক্তি ক'ভিড - ১৯ আক্ৰান্ত  হোৱাৰ বিপৰীতে এগৰাকী পুৰুষ আৰু এগৰাকী মহিলাকে ধৰি দুগৰাকী ব্যক্তিৰ মৃত্যু হৈছে ৷ জিলা প্ৰশাসনে প্ৰকাশ কৰা তথ্য মতে ক'ভিডত মৃত্যু হোৱা ব্যক্তি দুগৰাকী বঙাইগাঁও চহৰৰ নতুন পাৰাৰ অৰবিন্দ পাৰিয়াল( ৭৭) আৰু বঙাইগাঁও ভাটিপাৰাৰ দীনেশ্বৰী ৰায়( ৮০) ৷  ইয়াৰে অৰবিন্দ পাৰিয়ালৰ বৰপেটা চিকিৎসা মহাবিদ্যালয় হাস্পতালত চিকিৎসাধীন অৱস্থাত মৃত্যু হয় ৷ আনহাতে দীনেশ্বৰী ৰায়ৰ বঙাইগাঁও অসামৰিক চিকিৎসালয়ত চিকিৎসাধীন অৱস্থাত মৃত্যু হয় ৷ ইপিনে জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৪২৭ জন আছে ৷ ইয়াৰে ভিতৰত ৩০৭ জন ইনষ্টিটিউচনেল কোৱাৰেণ্টাইনত আৰু ১২০ জন হোম কোৱাৰেণ্টাইনত আছে ৷ আনহাতে দেওবাৰৰ দিনটোত সুস্থ হৈ উঠিছে ৭৪ জনকৈ ৰোগী ৷ যিটো ভাল খবৰ ৷ জিলাখনত দেওবাৰে মুঠ ৩১৫৪ জন ব্যক্তিক ক'ভিড টেষ্ট কৰা হয় ৷ আনহাতে জিলাখনত ১ মাৰ্চৰ পৰা ২৩ মে'লৈ মুঠ ক'ভিডত আক্ৰান্ত ব্যক্তিৰ সংখ্যা  বৃদ্ধি পাই ২,৪২৮ জন হৈছে ৷🔯