👉দুৰ্যোগৰ ঈদঃ বঙাইগাঁৱত ঘৰে ঘৰে ঈদুল ফিতৰৰ নামাজ

👉দুৰ্যোগৰ ঈদঃ বঙাইগাঁৱত ঘৰে ঘৰে ঈদুল ফিতৰৰ নামাজ

বঙাইগাঁওঃ ১৪ মে': 

📝ক'ৰনা ভাইৰাছ প্ৰতিৰোধৰ পৰিপ্ৰেক্ষিতত চৰকাৰে গ্রহণ কৰা নীতিত অভূতপূর্ব সঁহাৰি জনাই বঙাইগাঁৱৰ ইছলাম ধৰ্মালম্বী লোকসকলে শুকুৰবাৰে ঘৰে ঘৰে পালন কৰে ঈদুল ফিতৰৰ নামাজ । উল্লেখ্য যে ত্যাগ আৰু আত্মসংযমেৰে এমাহ ৰমজানৰ ৰোজা পালন কৰাৰ অন্তত শুকুৰবাৰে পুৱাৰ ভাগত ঈদুল ফিতৰৰ নামাজ আদায় কৰি পৰম আল্লাহ তায়ালাৰ ওচৰত তেওঁলোকে প্ৰাৰ্থনা কৰে। তেওঁলোকে লগতে বিশ্বত শান্তি প্ৰতিষ্ঠা, ক'ৰনা মহামাৰীৰ পৰা মানৱ সমাজক ৰক্ষা কৰাৰ বাবেও সৃষ্টিকৰ্তা আল্লাহৰ ওচৰত প্ৰৰ্থনা জনায় । ইপিনে অৰ্ধ লকডাউনৰ বাবে ঈদগাহ নতুবা মছজিদত সমুহীয়া নামাজ পঢ়াৰ বিপৰীতে চৰকাৰী নিৰ্দেশনা অনুসৰণ কৰি ইছলামধৰ্মী লোক সকলে ঘৰে ঘৰে ঈদুল ফিতৰৰ নামাজ আদায় কৰাৰ সমান্তৰালভাৱে নিজ নিজ ঘৰত তেওঁলোকৰ সামৰ্থ অনুসৰি পায়স, পোলাও, চেৱাই, পিঠা-পনা, খিচিৰি আদি ব্যঞ্জন তৈয়াৰ কৰি পৰম তৃপ্তি লাভ কৰে 🔯।