👉অসম সাহিত্য সভাৰ প্ৰাক্তন সভাপতি , বিশিষ্ট সাহিত্যিক - সাংবাদিক হোমেন বৰগোঞিৰ বিয়োগত বৃহত্তৰ বঙাইগাঁও প্ৰেছ ক্লাব - সংগঠনৰ শোক প্ৰকাশ

👉অসম সাহিত্য সভাৰ প্ৰাক্তন সভাপতি , বিশিষ্ট সাহিত্যিক - সাংবাদিক হোমেন বৰগোঞিৰ বিয়োগত বৃহত্তৰ বঙাইগাঁও প্ৰেছ ক্লাব - সংগঠনৰ শোক প্ৰকাশ 

বঙাইগাঁওঃ১৪ মেঃ 

📝অসম সাহিত্য সভাৰ প্ৰাক্তন সভাপতি, বিশিষ্ট সাহিত্যিক, কথাশিল্পী, সাংবাদিক, সমালোচক হোমেন বৰগোহাঞিৰ বিয়োগত বৃহত্তৰ বঙাইগাঁও প্ৰেছ ক্লাবে গভীৰ শোক প্ৰকাশ কৰাৰ লগতে তেওঁৰ বিদেহ আত্মাৰ চিৰশান্তি কামনা কৰিছে ৷ লগতে অসমৰ সাহিত্য, সংবাদক্ষেত্ৰ আৰু ৰাজ্যৰ বৌদ্ধিক জগতৰ মহীৰূহগৰাকীৰ মৃত্যু ৰাজ্যখনৰ বাবে অপূৰণীয় ক্ষতি বুলি বৃহত্তৰ বঙাইগাঁও প্ৰেছ ক্লাবে উপলব্ধি কৰে বুলি এক প্ৰেছ টোকাত উল্লেখ কৰিছে ৷ ইপিনে বিশিষ্ট সাহিত্যিক - সাংবাদিকগৰাকীৰ মৃত্যুত অসম প্ৰদেশ সাংবাদিক সন্থা ( আপজু)ইও গভীৰ শোক প্ৰকাশ কৰিছে ৷ এক প্ৰেছ বাৰ্তাত সন্থাৰ সাধাৰণ সম্পাদক কুন্তল কলিতাই অসমীয়া সাহিত্য আৰু সাংবাদিকতাৰ জগতখনৰ বৰেণ্য ব্যক্তি হোমেন বৰগোহাঞিৰ বিয়োগত মৰ্মাহত বুলি উল্লেখ কৰাৰ লগতে তেওঁৰ মৃত্যু ৰাজ্যখনৰ সমাজ জীৱনৰ বাবে এক অপূৰণীয় ক্ষতি বুলি কয় ৷ বিবৃতিটোত লগতে সন্থাই তেওঁৰ বিদেহ আত্মাৰ চিৰশান্তি কামনা কৰি শোক সন্তপ্ত পৰিয়ালবৰ্গলৈ সমবেদনা জ্ঞাপন কৰে ৷ আনহাতে অসমৰ বিশিষ্ট সাহিত্যিক ,কথাশিল্পী , অসম সাহিত্য সভাৰ প্ৰাক্তন সভাপতি তথা সংবাদ জগতৰ অন্যতম স্বনামধন্য ব্যক্তি হোমেন বৰগোহাঞিৰ আকস্মিক বিয়োগ ৰাজ্যখনৰ বৌদ্ধিক সমাজৰ এক অপূৰণীয় ক্ষতি বুলি উল্লেখ কৰিছে সদৌ অসম আমোলা সন্থাই ৷ এক প্ৰেছ বিবৃতিত আমোলা সন্থাৰ কেন্দ্ৰীয় সমিতিৰ সভাপতি দিলীপ কোঁৱৰ আৰু সাধাৰণ সম্পাদক সত্য নাৰায়ণ ৰায়ে বিশিষ্ট সাহিত্যিকগৰাকীৰ বিয়োগত গভীৰ শোক প্ৰকাশ কৰাৰ লগতে অসমৰ সমাজ জীৱনলৈ আগবঢ়োৱা তেওঁৱ অৱদান সদায় চিৰযুগমীয়া হৈ ৰ'ব বুলি কয় ৷ লগতে শোক সন্তপ্ত পৰিয়ালৰ সদস্যসকললৈ সমবেদনা জ্ঞাপন কৰাৰ লগতে তেওঁৰ বিদেহ আত্মাৰ চিৰ শান্তি কামনা কৰে ৷ সেইদৰে অসম সাহিত্য সভাৰ প্ৰাক্তন সভাপতি , বিশিষ্ট সাহিত্যিক , সাংবাদিক, সাহিত্য সমালোচক , কবি, গল্পকাৰ, বুদ্ধিজীৱী , সাহিত্য অকাডেমী বঁটা প্ৰাপ্ত হোমেন বৰগোহাঞিৰ বিয়োগত কোচ ৰাজবংশী সংগ্ৰাম সমিতিয়ে গভীৰ শোক প্ৰকাশ কৰিছে ৷ এক প্ৰেছ বিবৃতিত সংগঠনটোৰ ভাৰপ্ৰাপ্ত সভাপতি শেখৰ কান্তি দেৱ আৰু সাধাৰণ সম্পাদক দুলাল চন্দ্ৰ ৰায়ে বিশিষ্ট সাহিত্যিকগৰাকীৰ মৃত্যুত অসমীয়া সাহিত্য জগতৰ এটি ধ্ৰুৱতৰা তথা উজ্বল নক্ষত্ৰক হেৰুৱালো বুলি উল্লেখ কৰে ৷ লগতে তেওঁ অতি স্পষ্টবাদী আৰু খোলা মনৰ সাহিত্যিক আছিল বুলি কৈ অসমীয়া সাহিত্যৰ মহীৰূহগৰাকীৰ অকাল বিয়োগত মৰ্মাহত বুলিও উল্লেখ কৰি তেওঁৰ বিদেহ আত্মাৰ চিৰশান্তি কামনা কৰাৰ লগতে শোক সন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে ৷ আনহাতে বিশিষ্ট সাহিত্যিকগৰাকীৰ অকাল মৃত্যুত সদৌ অসম কৰ্মচাৰী পৰিষদৰ বঙাইগাঁও জিলা সমিতিয়েও গভীৰ শোক প্ৰকাশ কৰিছে ৷ এক প্ৰেছ বিবৃতিত জিলা সমিতিৰ সভাপতি সত্য নাৰায়ণ ৰায় আৰু সাধাৰণ সম্পাদক পংকজ শৰ্মাই অসমৰ সাহিত্য - সংস্কৃতিৰ মহীৰূহস্বৰূপ বিশিষ্ট চিন্তাবিদ ,অসমৰ সংবাদ জগতৰ কৰ্ণধাৰ হোমেন বৰগোহাঞিৰ মৃত্যুত ৰাজ্যখনৰ বৌদ্ধিক জগতখনৰ এক অপূৰণীয় ক্ষতি হ'ল বুলি উল্লেখ কৰে ৷ লগতে শোক সন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে৷ ইপিনে অসমীয়া সাহিত্যৰ মহীৰূহ হোমেন বৰগোহাঞিৰ মৃত্যুত ভাৰতীয় ইতিহাস সংকলন সমিতিৰ বঙাইগাঁও জিলা সমিতিৰ সভাপতি ড৹ ৰবীন্দ্ৰ নাথ দাসে গভীৰ শোক প্ৰকাশ কৰিছে । লগতে তেওঁৰ বিদেহ আত্মাৰ চিৰশান্তি কামনা কৰিছে ৷ সাহিত্যিকগৰাকীৰ মৃত্যুত অসম প্ৰদেশ সাংবাদিক সন্থাৰ বঙাইগাঁও জিলা সমিতি , বঙাইগাঁও জিলা কৃষক মুক্তি সংগ্ৰাম সমিতি আদিয়েও গভীৰ শোক প্ৰকাশ কৰিছে ৷ 🔯