👉কমতাপুৰ স্বায়ত্বশাসিত পৰিষদ আৰু কোচ ৰাজংশী উন্নয়ন পৰিষদ পুনৰ গঠন কৰক- কোচ ৰাজবংশী জাতীয় মহাসভা

👉কমতাপুৰ স্বায়ত্বশাসিত পৰিষদ আৰু কোচ ৰাজংশী উন্নয়ন পৰিষদ পুনৰ গঠন কৰক- কোচ ৰাজবংশী জাতীয় মহাসভা

👉কোচ ৰাজবংশী জনগোষ্ঠীক জনজাতিকৰণৰ মৰ্যাদা প্ৰদান কৰক

👉ফণীভূষণ চৌধুৰীক কেবিনেট মন্ত্ৰী নতুবা বিধানসভাৰ অধ্যক্ষ পদ দিয়ক- বিশ্বজিৎ ৰায়

বঙাইগাঁওঃ ১৩ মেঃ

📝অসমৰ নৱনিৰ্বাচিত মুখ্যমন্ত্ৰী ড° হিমন্ত বিশ্ব শৰ্মা আৰ তেওঁৰ নেতৃত্বাধীন মিত্ৰজোঁটৰ অসম চৰকাৰ খনলৈ আন্তৰিক শুভেচ্ছা আৰু অভিনন্দন জনাইছে কোচ ৰাজবংশী জাতীয় মহাসভাৰ সাধাৰণ সম্পাদক তথা আক্ৰাছুৰ প্ৰাক্তন সভাপতি বিশ্বজিৎ ৰায়ে ৷ এক প্ৰেছ বিবৃতিত কোচ ৰাজবংশী জাতীয় মহাসভাৰ সাধাৰণ সম্পাদক বিশ্বজিৎ ৰায়ে অসম চৰকাৰক কেবাটাও বিষয় খৰতকীয়াভাৱে কাৰ্যকৰী কৰিবলৈ আহ্বান জনায় ৷ বিশ্বজিৎ ৰায়ে কয় যে ২০১৪ চনৰ লোকসভা নিৰ্বাচন আৰু ২০১৬ চনৰ অসম বিধানসভাৰ নিৰ্বাচনত বিজেপি দলে নিৰ্বাচনী ঘোষণা পত্ৰ আৰু নিৰ্বাচনী সভাত মুকলিভাবে অসমৰ ছয় জনগোষ্ঠীৰ জনজাতিকৰণৰ প্ৰতিশ্ৰুতি দিছিল যদিও কেন্দ্ৰীয় চৰকাৰৰ পাঁচ বছৰীয়া কাৰ্যকাল উকলি দ্বিতীয়টো কাৰ্যকালত ভৰি দিলে যদিও ছয় জনগোষ্ঠীয়ে জনজাতিকৰণৰ মৰ্যদা নাপালে ৷ সেইদৰে বিজেপি নেতৃত্বাধীন অসম চৰকাৰৰ প্ৰথমটো কাৰ্যকাল উকলি ড° হিমন্ত বিশ্ব শৰ্মাৰ নেতৃত্বত দ্বিতীয়টো কাৰ্যকাল আৰাম্ভ হ'ল ৷ ড° হিমন্ত বিশ্ব শৰ্মা যোৱাটো চৰকাৰত ছয় জনগোষ্ঠীৰ জনজাতিকৰণৰ দাবী সমাধানৰ বাবে গঠিত মন্ত্ৰীগোটৰ অধ্যক্ষ আছিল আৰু তেওঁৰ নেতৃত্বতে জনজাতিকৰণৰ বাবে আৰ্হি প্ৰস্তুত হৈছিল ৷ এতিয়া যিহেতু ড° হিমন্ত বিশ্ব শৰ্মা মুখ্যমন্ত্ৰীৰ আসনত বহিল সেয়ে আমি ভাবো জনজাতিকৰণৰ বিষয়টো কাৰ্যকৰী কৰাত সুচল হ'ব ৷ গতিকে অসম চৰকাৰে তাৎক্ষণিকভাৱে মন্ত্ৰীগোটৰ প্ৰতিবেদন কেন্দ্ৰীয় চৰকাৰলৈ প্ৰেৰণ কৰি আগন্তুক সংসদৰ অধিবেশনতে জনজাতিকৰণ বিধেয়ক উত্থাপন কৰি ছয় জনগোষ্ঠীক জনজাতিকৰণৰ মৰ্যাদা প্ৰদান কৰিব ৷ সেইদৰে যোৱা বৰ্ষৰ ৩ চেপ্তেম্বৰত অসম বিধানসভাত কমতাপুৰ স্বায়ত্বশাসিত পৰিষদৰ বিধেয়ক গৃহীত কৰাৰ পিছত অসম চৰকাৰে যোৱা ফেব্ৰুৱাৰী মাহত খৰখেদাকৈ কমতাপুৰ স্বায়ত্বশাসিত পৰিষদৰ ২০২১ আইন উলংঘা কৰি পৰিষদৰ বাহিৰৰ কেইবাজনক অন্তৰ্ভুক্ত কৰি অন্তৰ্ৱৰ্তীকালিন কমতাপুৰ স্বায়ত্বশাসিত পৰিষদ (KAC) গঠন কৰিলে বুলি কৈ বিশ্বজিৎ ৰায়ে অনুকিয়াই দিয়ে যে পৰিষদখনত জাতীয় সংগঠনৰ নেতৃত্ব বহন কৰি নিস্বাৰ্থভাবে জনগোষ্ঠীক সেৱা কৰিব বিচৰা নেতাসকলে একমাত্ৰ নিজৰ স্বাৰ্থত ৰাতিৰ ভিতৰতে ভুৱা ঠিকনাৰে পৰিষদত অন্তৰ্ভুক্ত হোৱাতো দুৰ্ভাগ্যজনক ৷ কমতাপুৰ স্বায়ত্বশাসিত পৰিষদৰ আইন ২০২১ অনুসাৰে কমতাপুৰ স্বায়ত্বশাসিত পৰিষদখন গঠন নকৰা বাবে যিহেতু কোচ ৰাজবংশীৰ কেইবাজনো সচেতন ব্যক্তিয়ে গুৱাহাটী উচ্চ ন্যায়ালয়ত লেখ আবেদন কৰিছে আৰু উক্ত লেখ আবেদনৰ ভিত্তিত ন্যায়ালয়ে পৰিষদখনক স্থিতাৱস্থা বাহাল ৰাখিবলৈ অসম চৰকাৰ নিৰ্দেশ দিছে , গতিকে অধিক ন্যায়িক জটিলতাত নগৈ পৰিষদৰ কোচ ৰাজবংশী লোকসকলোক সন্মান জনাই পৰিষদখনক পুনৰ গঠন কৰিবলৈ মুখ্যমন্ত্ৰীক আহ্বান জনায় ৷ লগতে

কোচ ৰাজবংশী জাতীয় মহাসভাই নৱ নিৰ্বাচিত মুখ্যমন্ত্ৰীক বিবৃতিযোগে অসমৰ কমতাপুৰ ৰাজ্যৰ দাবীটোক ৰাজনৈতিকভাৱে সমাধান কৰাৰ বাবে কেন্দ্ৰীয় চৰকাৰেৰে পুনৰ ত্ৰিপাক্ষীক আলোচনাৰ পাতনি মেলিবলৈকো আহ্বান জনায় ৷ সেইদৰে অসমৰ প্ৰচলিত ভূমি নীতি সংশোধন কৰি খিলঞ্জীয়াৰ কাৰণে সংৰক্ষণ কৰা, অসমত উচ্চ সদন প্ৰতিষ্ঠা কৰা, অসমৰ জনগোষ্ঠী সমূহৰ ভাষা, সংস্কৃতি, ঐতিহাসিক কৃতিচিহ্ন আৰু পৰম্পৰা সমূহ সংৰক্ষণ, প্ৰচাৰ আৰু গৱেষণাৰ বাবে ব্যৱস্থা কৰা, ৰাভা, তিৱা, মিচিং আৰু কমতাপুৰ স্বায়ত্বশাসিত পৰিষদক ষষ্ঠ অনুসূচিত(Sixth Schedule) অন্তৰ্ভুক্ত কৰা, অসম চৰকাৰৰ অধীনস্থ আৰু অসমত থকা ব্যক্তিগত প্ৰতিষ্ঠানৰ চাকৰিত ১০০% খিলঞ্জীয়া (অসমীয়া) আৰু অসমত থকা কেন্দ্ৰীয় চৰকাৰৰ বিভিন্ন চৰকাৰী অনুষ্ঠানত অসমৰ (খিলঞ্জীয়া) কাৰণে ৮০% সংৰক্ষণ কৰা, আলফা , কে এল অ আৰু আন আন উগ্ৰপন্থী সংগঠন সমূহক আলোচনাৰ মেজলৈ আনি স্থায়ী শান্তি প্ৰতিষ্ঠা কৰা, কৃষকৰ ঋণ মাৰ্জনা, আদৰ্শ কৃষকলৈ বিত্তীয় সহায় আৰু কৃষকক কৃষি সঁজুলি বিনামূল্যে প্ৰদান কৰা, প্ৰতিখন চহৰ আৰু গাওঁত বিশুদ্ধ খোৱাপানীৰ ব্যৱস্থা কৰা, গ্ৰাম্য আৰু চহৰ সমূহৰ ৰাস্তা ঘাট আৰু দলং সমূহ উন্নত(পকী) কৰা, চৰকাৰী চিকিৎসালয় সমূহত উন্নত মানৰ চিকিৎসা সঁজুলি প্ৰদান কৰা আৰু সকলোৰে বাবে চিকিৎসা বিনামূলীয়া কৰা, প্ৰতিখন চৰকাৰী শিক্ষানুষ্ঠানত পৰ্যাপ্ত সুবিধাৰে আধুনিকীৰণ  কৰা, অসমৰ কোচ ৰাজবংশী সকলোৰ সামগ্ৰিক বিকাশ আৰু উন্নয়নৰ বাবে গঠিত কোচ ৰাজবংশী উন্নয়ন পৰিষদ খনক সমগ্ৰ অসমৰ জিলাক সামৰি উপযুক্ত ব্যক্তিকলৈ পুনৰ গঠন কৰা, বঙাইগাওঁ জিলাত চিকিৎসা মহাবিদ্যালয় আৰু পূৰ্ণপৰ্যায়ৰ বিশ্ববিদ্যালয় স্থাপন কৰা, বিটিআৰ (BTR)ত সকলো শ্ৰেণীৰ লোকক ৰাজনৈতিক, সামাজিক, অৰ্থনৈতিক, শিক্ষা, চাকৰি, ভূমি আদিত সমঅধিকাৰ আইনৰ ব্যৱস্থা কৰাৰ বাবে অসম চৰকাৰক দাবী জনায় ৷ কোচ ৰাজবংশী নেতাগৰাকীয়ে বিজেপি নেতৃত্বাধীন মিত্ৰজোঁট চৰকাৰ আৰু মিত্ৰজোঁটৰ অংশীদাৰী সকলো ৰাজনৈতিক দল সমূহক কোচ ৰাজবংশী জনগোষ্ঠীৰ উপযুক্ত ব্যক্তিক ৰাজ্যসভাৰ সাংসদ মনোনীত কৰিবলৈকো অনুৰোধ জনায় ৷ ইপিনে বিশ্বজিৎ ৰায়ে ক্ষোভ প্ৰকাশ কৰি কয় য়ে কোচ ৰাজবংশী সম্প্ৰদায়ৰ জ্যেষ্ঠ বিধায়ক ফণীভূষণ চৌধুৰীক মুখ্যমন্ত্ৰী সৰ্বানন্দ সোণোৱাল নেতৃত্বাধীন চৰকাৰত শেষৰ ফালে মন্ত্ৰীত্ব প্ৰদান কৰিছিল যদিও এইবাৰ ড° হিমন্ত বিশ্ব শৰ্মা নেতৃত্বাধীন চৰকাৰৰ মন্ত্ৰী সভাৰ প্ৰথম তালিকাত অন্তৰ্ভুক্ত হ'ব বুলি আশা প্ৰকাশ কৰিছিল ৷ কিন্তু দৃষ্টিকটু ভাবে সেয়া নহ'ল ৷ আনকি মন্ত্ৰীসভাত এজনো কোচ ৰাজবংশী বিধায়কে স্থান নাপালে ৷ এয়া কোচ ৰাজবংশী সম্প্ৰদায়ৰ বাবে অতি পৰিতাপৰ বিষয় ৷ কোচ ৰাজবংশী সকলোৰ প্ৰতি যদি বিজেপি দল আৰু মুখ্যমন্ত্ৰীৰ দৰদ আছে তেতিয়াহলে নামনি অসমৰ অগপৰ জ্যেষ্ঠ নেতা, বিধায়ক ফণী ভূষণ চৌধুৰীক কেবিনেট মন্ত্ৰী নতুবা বিধানসভাৰ অধ্যক্ষ পদ আৰু মধ্য অসমৰ নৱনিৰ্বাচিত বিজেপি বিধায়ক তথা অসম সাহিত্য সভাৰ প্ৰাক্তন সভাপতি পৰমানন্দ ৰাজবংশীক মন্ত্ৰীত্ব দিয়াৰ লগতে কমেও দুজন কোচ ৰাজবংশী ব্যক্তিক অসম চৰকাৰৰ নিকায়-নিগমৰ অধ্যক্ষ পদত মনোনীত কৰিবলৈ মুখ্যমন্ত্ৰীক অনুৰোধ জনায় ৷🔯