🔯বঙাইগাঁৱত চিলনী চোৰৰ দৌৰাত্ম

🔯বঙাইগাঁৱত চিলনী চোৰৰ দৌৰাত্ম

🔯দিন দুপৰতে মহিলাৰ ডিঙিৰ পৰা কাঢ়ি নিলে সোণৰ চেইন

🔯উত্তৰ শালমাৰাত বাইকসহ সন্দেহজনক দুই যুৱকক আটক

📝বঙাইগাঁওঃ ৩০ জুনঃ বঙাইগাঁৱত ক্ৰমাৎ বৃদ্ধি পাইছে চিলনী চোৰৰ দৌৰাত্ম ৷ বিশেষকৈ সদৰ চহৰখনৰ বিভিন্ন প্ৰান্তত প্ৰায়ে সংঘটিত হৈ আহিছে মহিলাৰ ডিঙিৰ পৰা  চেইন কাঢ়ি নিয়াৰ ঘটনা ৷ বধবাৰেও সদৰ চহৰখনৰ নৰ্থ বঙাইগাঁৱৰ বাজাৰ ইণ্ডিয়াৰ সন্মুখত সংঘটিত হয় এক চেইন কাঢ়ি নিয়াৰ ঘটনা ৷ পালছাৰ বাইকত অহা দুটা চিলনী  চোৰে মহিলা এগৰাকীৰ ডিঙিৰ পৰা কাঢ়ি লৈ যায় সোণৰ চেইন৷ জানিব পৰা মতে দিনৰ প্ৰায় ২ঃ৫০ বজাত বঙাইগাঁৱৰ খাৰিজা দোলাইগাঁৱৰ মিষ্টু ঘোষ নামৰ মহিলাগৰাকীসহ আন দুগৰাকী মহিলাই মহামায়া হোটেলৰ পৰা নিজ ঘৰলৈ বুলি এখন ই- ৰিক্সাৰে আহি থকা অৱস্থাত বাজাৰ ইণ্ডিয়াৰ সন্মুখ পোৱাৰ সময়তে  একে দিশে আহি থকা এখন পালছাৰ বাইকত অহা দুজন যুৱকে মহিলাগৰাকীৰ ডিঙিৰ পৰা সোণৰ চেইন ডাল কাঢ়ি তীব্ৰ বেগত বৰফ মিলৰ দিশে উধাও হয় ৷ উল্লেখ্য যে মহিলাগৰাকী ই- ৰিক্সাৰ বাওফালে বহিছিল যদিও যুৱকদ্বয়ে বাওফালে গৈ চেইনডাল কাঢ়ি পলায়ণ কৰে ৷ ঘটনা সন্দৰ্ভত আৰক্ষীয়ে জানিব পাৰি মুহুৰ্ততে তৎপৰ হৈ পৰে আৰু জিলা আৰক্ষী অধীক্ষক স্বপ্ননীল ডেকাই জিলাখনৰ সকলো আৰক্ষীক সতৰ্ক কৰি দিয়ে ৷ পিছত চিচি টিভিৰ ফুটেজ সংগ্ৰহ কৰি দুই দুৰ্বৃত্তৰ সন্ধানত আৰক্ষী নামি পৰে আৰু উত্তৰ শালমাৰাত সন্দেহজনক দুই যুৱকক বাইকসহ আটক কৰে ৷ আটকাধীন বৰপেটা জিলাৰ কলগাছিয়াৰ তাৰাকান্দিৰ আশ্ৰাফুল ইছলাম আৰু ৰকিবুল ইছলাম নামৰ যুৱক দুজনক আৰক্ষীয়ে বঙাইগাঁৱলৈ আনি সোধ পোছ অব্যাহত ৰাখিছে ৷🔯