🔯বঙাইগাঁৱৰ বন্ধ হৈ থকা প্ৰশান্তি ল'জৰ পৰা তিনি চোৰ আটক

🔯বঙাইগাঁৱৰ বন্ধ হৈ থকা প্ৰশান্তি ল'জৰ পৰা তিনি চোৰ আটক

📝বঙাইগাঁও , ৩০ জুনঃ বঙাইগাঁও চহৰৰ উত্তৰ বঙাইগাঁৱৰ প্ৰশান্তি ল’জত চুৰি কৰিবলৈ গৈ বুধবাৰে আৰক্ষীৰ হাতত তিনিজন চোৰ আটক হয় ৷ ধৃত তিনি চোৰ তিনিজন ক্ৰমে কলগাছিয়াৰ কাটাখালিৰ ৰহিম খান (১৮) , যোগীঘোপাৰ খেতাপাৰাৰ আনোৱাৰ হুছেইন (১৮) আৰু উত্তৰ বঙাইগাঁও শালবাগানৰ বিশাল চন্দ (১৯) বুলি জানিব পৰা গৈছে ৷  প্ৰাপ্ত বাতৰি মতে বুধবাৰে পুৱা দহ মান বজাত  চোৰ তিনিজনে পৰিত্যক্ত অৱস্থাত থকা প্ৰশন্তি ল’জৰ ভিতৰত প্ৰৱেশ কৰা দেখি একাংশই আৰক্ষীক খবৰ দিয়ে ৷

ইয়াৰ পিছ মুহুৰ্ততে আৰক্ষীৰ দল উপস্থিত হৈ ল’জৰ ভিতৰত হাতে-লোটে তিনিওকে কৰায়ত্ত কৰে ৷ তিনিওৰে পৰা ল’জৰ ভিতৰত থকা চুৰি কৰা সা -সামগ্ৰী জব্দ কৰে ৷ উল্লেখ্য যে দীৰ্ঘ দিনে ল’জটো বন্ধ হৈ থকাৰ সুযোগ গ্ৰহণ কৰি চোৰৰ দলটোতে সা -সামগ্ৰী চুৰি কৰি নিয়াৰ চেষ্টা চলায় ৷ ইতিমধ্যে চোৰে প্ৰশান্ত ল'জৰ ভিতৰৰ বহু সা- সামগ্ৰী চুৰি কৰি নিছে ৷🔯