🔯প্ৰতি বছৰৰ ৫ আগষ্টৰ দিনটো 'কমচাৰী দিৱস' ঘোষণা ৰাজ্য চৰকাৰৰ কেবিনেটৰ

🔯প্ৰতি বছৰৰ ৫ আগষ্টৰ দিনটো 'কমচাৰী দিৱস' ঘোষণা ৰাজ্য চৰকাৰৰ কেবিনেটৰ

🔯সদৌ অসম আমোলা সন্থাৰ আদৰণি 

 

📝বঙাইগাঁওঃ ৮ জুলাইঃ অসমৰ প্ৰথম গৰাকী প্ৰধানমন্ত্ৰী ( এতিয়া মুখ্যমন্ত্ৰী) প্ৰয়াত লোকপ্ৰিয় গোপীনাথ বৰদলৈৰ ৫ আগষ্টৰ মুত্যু দিৱসৰ দিনটো প্ৰতি বছৰে 'কৰ্মচাৰী দিসৱ'  হিচাবে পালন কৰাৰ বাবে অসম মন্ত্ৰী সভাৰ ৰাজ্যিক কেবিনেটৰ সিদ্ধান্তক সদৌ অসম আমোলা সন্থাই আদৰণি জনোৱাৰ লগতে অসম চৰকাৰক ধন্যবাদ জনাই ৷এক প্ৰেছ বাৰ্তাত সদৌ অসম আমোলা সন্থাৰ ৰাজ্যিক সভাপতি দিলিপ কোঁৱৰ আৰু সাধাৰণ সম্পাদক সত্যনাৰায়ণ ৰায়ে কয়  যে, অসম ৰাজ্যৰ অৰাজপত্ৰিত আমোলা সকল হ’ল চৰকাৰৰ এক চালিকা শক্তি বা ইন্ধন ৷ যি ক্ষুদ্ৰ ক্ষুদ্ৰ কৰ্মশক্তিৰ জৰিয়তে চৰকাৰৰ উন্নয়নমূলক কাম সমূহ নিয়াৰিকৈ সম্পূৰ্ণ হোৱাত জিলা পৰ্যায়ৰ আমোলাসকলে বিশেষ ভূমিকা লয় ৷ সেয়েহে সদৌ অসম আমোলা সন্থাই বিগত কিছু বছৰ আগৰে পৰাই শিক্ষক দিৱসৰ নিচিনাকৈ জিলা পৰ্যায়ৰ কাৰ্যালয়ত কৰ্মৰত আমোলা সকলোৰ কৰ্মক উৎসাহিত কৰাৰ বাবে চৰকাৰৰ ওচৰত দাবী জনাই আহিছে ৷ বৃটিছৰ শাসনকালতে ১৯২৮ চনৰ ৪ ছেপ্তেম্বৰত জন্ম লাভ কৰা আমোলা সন্থাৰ প্ৰতিষ্ঠা দিৱসত কৰ্মৰত আমোলা সকলোক কৰ্মত উৎসাহিত কৰিবৰ বাবে সন্থাই দাবী জনাই আহিছে ৷ সেয়ে ৭ জুলাইত অসম চৰকাৰৰ মন্ত্ৰী সভাৰ কেবিনেটত মুখ্যমন্ত্ৰী ড° হিমন্ত শৰ্মাই ৫ আগষ্টৰ দিনটো 'কৰ্মচাৰী দিৱস' হিচাপে পালন কৰি প্ৰতিখন জিলাৰ অৰাজপত্ৰিত দক্ষ আৰু কৰ্মত নিপুনতা থকা আমোলা সকলোকৰ মাজৰ পৰা জিলাভিত্তিক ৫ জনকৈ আৰু ৰাজ্যিক পৰ্যায়ত ১০ জন অৰাজপত্ৰিত আমোলা কৰ্মচাৰী সকলোৰ কৰ্মদক্ষতা অনুযায়ী যি উৎসাহ মূলক বঁটাৰ ব্যৱস্থা কৰিবলৈ সিদ্ধান্ত গ্ৰহণ কৰিছে  এই কাৰ্যৰ জৰিয়তে কৰ্মচাৰী সমাজ খনত এক প্ৰতিযোগিতামূলক কৰ্মপ্ৰণালী আৰম্ভ হ'ব বুলি সদৌ অসম আমোলা সন্থাৰ সভাপতি দিলিপ কোঁৱৰ আৰু সাধাৰণ সম্পাদক সত্যনাৰায়ণ ৰায়ে আশা প্ৰকাশ কৰি জিলা পৰ্যায়ৰ সকলো আমোলা সতীৰ্থক চৰকাৰৰ এই সদিচ্ছাত সহোযোগ কৰিবৰ বাবে অনুৰোধ জনাইছে ৷🔯