🔯কায়াকল্প বঁটাৰ তালিকাত বঙাইগাঁও জিলাৰ বিভিন্ন হাস্পতাল

🔯কায়াকল্প বঁটাৰ তালিকাত বঙাইগাঁও জিলাৰ বিভিন্ন হাস্পতাল

🔯উৎফুল্লিত স্বাস্থ্য বিভাগৰ বিষয়া-কৰ্মচাৰী

📝বঙাইগাঁওঃ ২২জুলাইঃ হাস্পতালত থকা সা-সুবিধা,ৰোগীৰ প্ৰতি আগবঢ়োৱা সেৱা,ৰোগীয়ে পোৱা চিকিৎসা সন্দৰ্ভত আগবঢ়োৱা মন্তব্য আদি মাপকাঠীৰে চিকিৎসালয়সমূহক কায়াকল্প বঁটা আগবঢ়োৱা হয়। জিলা পৰ্যায়ৰ হাস্পতাল,সমূহীয়া স্বাস্থ্য কেন্দ্ৰ, প্ৰাথমিক স্বাস্থ্য কেন্দ্ৰ আদিক কায়াকল্প বঁটাৰে পুৰস্কৃত কৰা হয় প্ৰতি বছৰে। এই বছৰৰ (২০২০-২১) কায়াকল্প বঁটাৰ তালিকাত নাম অন্তৰ্ভুক্ত হৈছে বঙাইগাঁও অসামৰিক চিকিৎসালয়ৰ। এই বঁটাৰ অধীনত অসামৰিক চিকিৎসালয়ে প্ৰশংসা পত্ৰ লাভ কৰিছে। সেইদৰে জিলা পৰ্যায়ৰ চিকিৎসালয়খনে প্ৰশংসনীয় সেৱাৰ বাবে লাভ কৰিব ৩ (তিনি)লাখ টকা। আনহাতে জিলাখনৰ অভয়াপুৰী সমূহীয়া স্বাস্থ্য কেন্দ্ৰই উল্লেখনীয় সেৱা আগবঢ়াই সমগ্ৰ অসমৰ ভিতৰত সমূহীয়া স্বাস্থ্য কেন্দ্ৰৰ তালিকাত দ্বিতীয় স্থান লাভ কৰিবলৈ সক্ষম হৈছে। বঁটা হিচাপে সমূহীয়া স্বাস্থ্য কেন্দ্ৰটোৱে ১০( দহ)লাখ টকা লাভ কৰিব। মানিকপুৰ সমূহীয়া স্বাস্থ্য কেন্দ্ৰয়ো প্ৰশংসা পত্ৰ লাভ কৰি ১(এক) লাখ টকা পোৱাৰ যোগ্যতা অৰ্জন কৰিছে। সেইদৰে প্ৰাথমিক স্বাস্থ্য কেন্দ্ৰৰ তালিকাত বঙাইগাঁও জিলাৰ লেংটিছিঙা প্ৰাথমিক স্বাস্থ্য কেন্দ্ৰই কায়াকল্প বঁটাৰ অধীনত প্ৰথম স্থান পাই ২ ( দুই) লাখ টকা লাভ কৰিব। আনহাতে ছিপনছিলা, সিদলসতী, কীৰ্তনপাৰা, বিষ্ণুপুৰ আৰু পাতিলাদহা প্ৰাথমিক স্বাস্থ্য কেন্দ্ৰই কায়াকল্প বঁটাৰ অধীনত ৫০ ( পঞ্চাশ হেজাৰ) টকাকৈ লাভ কৰিব। ইপিনে নগৰীয়া স্বাস্থ্য কেন্দ্ৰৰ তালিকাত বঙাইগাঁৱৰ ভাওলাগুৰি নগৰীয়া স্বাস্থ্য কেন্দ্ৰই কায়াকল্প বঁটাৰ অধীনত ৫০ ( পঞ্চাশ হেজাৰ) টকা লাভ কৰিব। এই ক্ষেত্ৰত  বঙাইগাঁও জিলাৰ জিলা আঁচনি প্ৰৱন্ধক আনন্দ শৰ্মা আৰু চিকিৎসা তথা স্বাস্থ্য বিষয়া ডা: ৰেজাউল হকৰ স্বাস্থ্য আৰু চিকিৎসাৰ কাম-কাজ পৰিচালনা বিশেষভাৱে উল্লেখনীয়। আনহাতে জিলা উপায়ুক্ত ডা: এম এচ লক্ষ্মীপ্ৰিয়াই চিকিৎসালয়সমূহৰ বিষয়ববীয়াসকলক কায়াকল্প বঁটা লাভ কৰাৰ বাবে অভিনন্দন জনাইছে ।  একেদৰে উৎফুল্লিত হৈ পৰিছে জিলাখনৰ স্বাস্থ্য বিভাগৰ সৈতে জড়িত চিকিৎসা বিষয়া আৰু চিকিৎসককে ধৰি প্ৰতিগৰাকী চিকিৎসা কৰ্মী তথা কৰ্মচাৰী ৷🔯