🔯ক'ভিড অতিমাৰীত ঈদঃ বঙাইগাঁৱত মছজিদ-নিজ ঘৰত ঈদুল আজহাৰ নামাজ

🔯ক'ভিড অতিমাৰীত ঈদঃ বঙাইগাঁৱত মছজিদ-নিজ ঘৰত ঈদুল আজহাৰ নামাজ

📝বঙাইগাঁওঃঃ ২১ জুলাইঃ ক'ভিড অতিমাৰী প্ৰতিৰোধৰ পৰিপ্ৰেক্ষিতত চৰকাৰে গ্রহণ কৰা নীতিত অভূতপূর্ব সঁহাৰি জনাই বঙাইগাঁৱৰ মুছলমান সম্প্রদায়ৰ জনগণে বুধবাৰে মছজিদ তথা নিজ ঘৰত পালন কৰে ঈদুল আজহাৰ নামাজ । উল্লেখ্য যে নামাজ আদায় কৰি তেওঁলোকে বিশ্বত শান্তি প্ৰতিষ্ঠা,ক'ৰনা মহামাৰীৰ পৰা মানৱ সমাজক ৰক্ষা কৰাৰ বাবে সৃষ্টিকৰ্তাৰ ওচৰত প্ৰাৰ্থনা জনায় । ক'ভিড নীতিৰ বাবে চৰকাৰে নিৰ্ধাৰিত লোকেৰে ঈদগাহ, মছজিদ নতুবা নিজ গৃহত নামাজ পঢ়াৰ বাবে নিৰ্দেশনা জাৰি কৰিছিল৷ চৰকাৰী নিৰ্দেশনা অনুসৰণ কৰি ইছলামধৰ্মী লোক সকলে নিৰ্ধাৰিত লোকেৰে মছজিদ,নিজ ঘৰতে ঈদুল আজহাৰ নামাজ আদায় কৰাৰ সমান্তৰালভাৱে নিজ নিজ ঘৰত তেওঁলোকৰ সামৰ্থ অনুসৰি পায়স,পোলাও,চেৱাই, পিঠা-পনা, খিচিৰি আদি ব্যঞ্জন তৈয়াৰ কৰি পৰম তৃপ্তি লাভ কৰে । ঈদুল আজহাৰ ধৰ্মীয় পৰম্পৰা ৰক্ষা কৰি তেওঁলোকে কোৰবানী কাৰ্যও সম্পন্ন কৰে৷🔯