🔯বঙাইগাঁও জিলাৰ শতাধিক গাওঁ বিটিআৰত নতুনকৈ অন্তৰ্ভুক্ত কৰাৰ ষড়যন্ত্ৰ

🔯বঙাইগাঁও জিলাৰ শতাধিক গাওঁ  বিটিআৰত নতুনকৈ অন্তৰ্ভুক্ত কৰাৰ ষড়যন্ত্ৰ 

🔯কোচ-ৰাজবংশী সংগ্ৰাম সমিতিৰ বিৰোধিতা 

📝বঙাইগাঁওঃ ২৩ জুলাইঃ বঙাইগাঁও জিলাৰ শতাধিক কোচ- ৰাজবংশী অধ্যুষিত গাওঁ বিটিআৰত নতুনকৈ অন্তৰ্ভুক্ত কৰাৰ চক্ৰান্ত চলি থকা বুলি বঙাইগাঁও জিলা কোচ-ৰাজবংশী সংগ্ৰাম সমিতিয়ে গুৰুতৰ অভিযোগ উত্থাপন কৰিছে ৷ এক প্ৰেছ বিবৃতিত কোচ-ৰাজবংশী সংগ্ৰাম সমিতিৰ বঙাইগাঁও জিলা সমিতিৰ  সভাপতি নাৰায়ণ মেধি আৰু ভাৰপ্ৰাপ্ত সাধাৰণ  সম্পাদক বানেশ্বৰ বৰুৱাই এই অভিযোগ উত্থাপন কৰি কয় যে বঙাইগাঁও জিলাৰ কোনো এখন কোচ-ৰাজবংশী অধ্যুষিত গাওঁ বিটিআৰত নতুনকৈ অন্তৰ্ভুক্ত কৰিবলৈ দিয়া নহ'ব ৷ চৰকাৰে এই সিদ্ধান্ত গ্ৰহণ কৰিলে সংগঠনটোৱে তীব্ৰ গণতান্ত্ৰিক আন্দোলন গঢ়ি তোলাৰো হুংকাৰ প্ৰদান কৰিছে ৷ বিবৃতিটোত উল্লেখ কৰা মতে ঐতিহাসিক কোচ-ৰাজবংশী জনগোষ্ঠীক পাকে প্ৰকাৰে নি:শেষ কৰাৰ কাৰণে এই চক্ৰান্ত চলোৱা হৈছে ৷ গতিকে চৰকাৰক এই সিদ্ধান্ত গ্ৰহণ কৰাৰ পৰা বিৰত থাকি বৰং বিটিআৰত অন্তৰ্ভুক্ত হৈ থকা কোচ-ৰাজবংশী অধ্যুষিত গাওঁসমূহ কৰ্তন কৰাৰ সিদ্ধান্ত গ্ৰহণ কৰিবলৈহে দাবী জানাইছে ৷ বিবৃতিটোত জিলা সমিতিয়ে বি টি আৰ গাঁও কৰ্তন আয়োগক বঙাইগাঁও জিলাৰ কোচ ৰাজবংশী অধ্যুষিত গাঁৱক বি টি আৰত অন্তুক্তি নকৰিবলৈ আহ্বান জনায় ৷ আয়োগে জিলাখনৰ শতাধিক কোচ ৰাজবংশী অধ্যুষিত গাঁও বি টি আৰত অন্তুৰ্ভুক্তিকৰণৰ বাবে লোৱা সিদ্ধান্তক বিৰোধিতা কৰি এনে সিদ্ধান্ত দুখজন বুলি কয় ৷ সেইদৰে এই বিষয়টো সন্দৰ্ভত জিলা সমিতিয়ে ৰাজ্যৰ মুখ্যমন্ত্ৰীগৰাৰীলৈ স্মাৰক পত্ৰ প্ৰেৰণ কৰি বি টি আৰত নতুনকৈ কোচ ৰাজবংশী গাঁও অন্তৰ্ভুক্তি নকৰিবলৈ দাবী জনাব বুলি উল্লেখ কৰে ৷ এই জটিল সমস্যাটো সমাধানৰ ক্ষেত্ৰত মুখ্যমন্ত্ৰী ডঃ হিমন্ত বিশ্ব শৰ্মাক হস্তক্ষেপ কৰিবলৈকো সংগঠনটোৱে দাবী জনাইছে ৷ সংগঠনটোৱে অভিযোগ কৰা মতে জিলাখনৰ ২ নং পূব ভাদ্ৰাগাঁও ,ডাবলি, কাছুৱাগাঁও, শিমলাগুৰী, চুঙাপোতা (ৰে'লৱে কলনি) ,বৰপথাৰ ,ভাওলাগুৰী, দোলাইগাঁও, খাৰিজা দোলাইগাঁও প্ৰথম খণ্ড , খাৰিজা দোলাইগাঁও দ্বিতীয় খণ্ড , ১ নং নয়াপাৰা , ২ নং নয়াপাৰা , চাপৰাকাটা , ১ নং পোপৰাগাঁও ,২ নং পোপৰাগাঁও , ২ নং চাপৰাকাটা , দৰকিনামাৰী, ডাউকীঝাৰ , চৌৰাগুৰী, গৰাইমাৰী, গেৰুকাবাৰী মৌতাৰা , আদি গাঁও বি টি আৰত অন্তৰ্ভুক্তিৰ ষড়যন্ত্ৰ চলিছে ৷🔯